Bahebera 9 - Sechuana Tlhaping Moffatt Bible 1890（TSN1890）

KHAOLO 9.

1KI gona yalo kholagano ea ntla e le ea na le mekhua ea tihelo, le helo ga boitsepho ga lehatse.

2Gone go le go rihiloe taberenakela ea ntla, e e birioañ Helo ga boitsepho, e tlomo sa lobone, le lomati loa boyelo, le liñkhue tsa cupo li le li le mo go eona.

3Mi kua morago ga setsiro sa bo‐tu, go le taberenakela, e e birioañ Boitsepho yoa maitsepho;

4Yo bo nañ le leisho ya molelo ya gouda, le areke ea kholagano, e manegiloe ntla cotle ka gouda, e seyana sa gouda se se nañ le mana se leñ mo go eona, le tsama ea ga Arone e e le ea tloga, le limati tsa kholagano.

5Mi gabo gole likeruba tsa khalalelo gorimo ga eona, li rutihalela sekhurumelo sa boicuarelo. Tse gasi cuanelo go bua yana ga señue le señue sa cona.

6Mi yana ka lilo tse li le li etlericoe yalo, baperiseti bo ba tsena ka gale go rihatsa litihelo tsa taberenakela ea ntla.

7Mi moperiseti eo mogolu a bo a tsena a le esi mo go ea teñ gañue hela ka ñuaga moñue le moñue, esiñ ka go sina mari, a o a icupelañ le libe tsa bathu:

8Moea oa Boitsepho o shupa ka mouo, ha tsela e e eañ mo heloñ ga boitsepho bogolu e le e si e bonatsege, ka taberenakela ea ntla e sa eme;

9E, e le le secuanco le mo nakoñ enu, e lineo le licupelo tsa tlabo li shupioañ mo go eona, tse ri sa kakeñ tsa itsephisa gotle mo seoñ se se tlokahalañ, kaha segakoloriñ sa gague eo o rihileñ litihelo;

10 Tse li li na gosi mo liyoñ, le mo linooñ, le mo tlapoñ li sele, le mekhua e e leñ kaho nameñ e e le ea laoleloa go tlo go tsamaee motla oa tlabologo o tle.

11Mi Keresete ka a tlile, moperiseti oa matsego a a tlañ, ka taberenakela e kholu bogolu ea botlalo, e e sa rihoeñ ka liatla, ki go re, esiñ ea popo e ea lehatse,

12A tsena gañue hela mo heloñ ga boitsepho, a riha khololo e e sa khutleñ, esiñ ka mari a lipuri le linamane; mi e le le ka mari a gague.

13Mi yana ekare ha mari a lipoo le a lipuri, le melora ea moroba, e khatsa ba ba sa itsephañ, go itsephisa kaha boitsephishoñ yoa nama;

14Bogolu yañ mari a ga Keresete, eo o icupeletseñ Morimo a sina sebata ka Moea o o sa khutleñ, a tla itsephisa ligakolori tsa lona mo litihoñ tse ri shuleñ, gore lo rihele Morimo o o tserileñ!

15Mi ki ena moruanyi oa kholagano e nca ka mouo, ka loshu loa gague, e le thekololo ea libe tse ri tsa rihoa mo motleñ oa kholagano ea ntla, gore ba ba biricoeñ, ba bone pulelelo‐pele ea boshua yo bo sa khutleñ.

16Gone kua kholagano e gona, loshu loa cupelo e e tlomamisañ lo cuanetse go rihala;

17Gone kholagano e tlomamisicoe ki cupelo tse ri shuleñ; ka le mororo e sina thata epe ka cupelo e e e tlomamisañ e sa tserile.

18Ki gona yalo, le eona kholagano ea ntla e le e sa tlomamisioe ha e si ka mari.

19Gone erile Moshe a sina buisetsa bathu botle taolo cotle kaha molaoñ, a tsaea mari a linamane le a lipuri, ka metse, le boboea yo bohibiru, le hisopa, mi a khatsa buka le bathu botle,

20A re, A, ki mari a kholagano e Morimo o e lo laoletseñ.

21Le gona taberenakela le liyana cotle tsa tihelo, a li khatsa yalo ka mari.

22E, goa lopioa ki molao gore go kane lilo cotle li itsephisioa ka mari; mi ga gona boicuarelo bope ha e si ka culolo ea mari.

23A ereka licuanco tsa lilo tsa legorimo li cuanecoe go itsephisioa ka mokhua o, le cona lilo tsa legorimo, li cuanetse go itsephisioa ka licupelo tse ri molemo bogolu go tse.

24Gone Keresete o la a sa ka a tsena mo maheloñ a boitsepho ha go rihiloeñ ka liatla, a e leñ cuano ea a amarure, mi a tsena mo legorimoñ ka yeosi, gore a re bonalele yana ha pele ga Morimo.

25Le esiñ gore a itihe cupelo ka gantsi, yaka moperiseti eo mogolu a tsena mo heloñ ga boitsepho ka ñuaga moñue le moñue ka mari a sele;

26Gone ha gontse yalo o ko a bapocoe gantsi le ka tsimologo ea lehatse; mi yana o bonatsegile gañue hela mo bokhutloñ yoa lehatse gore a tlose peco e e cuanetseñ boleo ka cupelo e o icupeleñ ka esi.

27Gone yaka go laolecoe bathu go shua gañue hela, mi go tle tsekisho morago ga mouo;

28Yalo Keresete le ena erile ka a sina shupioa gañue hela go tlosa libe tsa bantsi, o tla bonatsegela puluko ea bona ba ba mo lebelelañ, esiñ ka cupelo tsa boleo, mo go tleñ ga gague ga bo‐tu.