Lipesalema 103 - Sechuana Tlhaping Moffatt Bible 1890（TSN1890）

PESALEM 103.¶ Pesalem ea ga Davide.

1BAKA Yehova, moea oa me; le cotle tse ri mo teñ ga me, bakañ leina ya gague ya boitsepho.

2Baka Yehova, moea oa me, mi si lebale sepe sa tiho tsa gague tsa molemo:

3Eo o icuarelañ tsiamololo ea gago eotle; eo o horisañ pobolo tsa gago cotle;

4Eo o rekololañ tselo yoa gago mo tsenyegoñ; eo o gu roesañ tlogo ka tsalano ea lorato, le maicuarelo;

5Eo o khorisañ leganu ya gago ka molemo; o shahatsa bokau yoa gago yaka yoa lenoñ.

6Yehova oa rihela tsiamo le tsekisho botle ba ba patikoañ.

7O la a itsise Moshe tsela ea gague, le litiho tsa gague go baneñ ba Yeserela.

8Yehova o boicuarelo, o pelunomi, o bonye go galeha, mi o mogolu mo boicuareloñ.

9Ga a kitla a ganela ka gale, le esiñ go buluka bogale yoa gague ka bosina bokhutlo.

10Ga a re rihele yaka libe tsa rona; ga a re ruele kaha litsiamololoñ tsa rona.

11Gone yaka legorimo le le gorimo ga lehatsi, boicuarelo yoa gague bo bogolu yalo go bona ba ba moihañ.

12Yaka Iseta a le khakala go Ueseta, o tlosetsa litlolo tsa rona khakala yalo.

13Yaka rra a utluela bana ba gague botluku, Yehova o utluela botluku yalo ba ba moihañ.

14Gone a itse popego ea rona; o gakologeloa ha re le lorole.

15Malatsi a mothu a cuana le boyañ; yaka sesheshe sa nageñ, le ena o thunya yalo.

16Gone pheho e se hokile, mi ga seeo; mi helo ga shona, ga go kitla go tlola go se itse.

17Mi boicuarelo yoa ga Yehova bo le ga bosa khutleñ, le go bosina bokhutlo mo go bona ba ba moihañ, le tsiamo ea gague go baneñ ba bana;

18Go bona ba ba bulukañ kholagano ea gague, le ba ba gakologeloañ likaelo tsa gague, go li riha.

19Yehova o tlomamisitse serulo sa gague sa bogosi mo magorimoñ; mi pusho ea gague e busa mo eintleñ cotle.

20Bakañ Yehova, baengela, ba lo linatla mo thateñ, ba lo rihañ litaolo tsa gague, ba lo retsañ koru ea huku ya gague.

21Bakañ Yehova, lintua tsa gague cotle, lona bariheri ba gague ba lo rihañ natehelo ea gague.

22Bakañ Yehova, litiho cotle tsa gague, mo maheloñ aotle a taolo ea gague; baka Yehova, moea oa me.