Lipesalema 92 - Sechuana Tlhaping Moffatt Bible 1890（TSN1890）

PESALEM 92.¶ Pesalem khotsa Sehela sa tsatsi ya Sabata.

1KI molemo go nela Yehova maitumelelo, le go opelela leina ya gago lipako, Mogorimo oa bogorimo bogolu:

2Go bulela tsalano ea gago ea lorato mo moshoñ, le boikanyo yoa gago mo masigoñ,

3Mo seopeloñ sa linti li ten, le mo saletareñ, le mo harepeñ ka sehela.

4Gone, Yehova, u intumerisitse ka eintla ea tiho tsa gago; ki tla belahala mo tihoñ tsa atla tsa gago.

5Yehova, tiho tsa gago li kholu yañ! khopolo tsa gago li boteñ bogolu.

6Monona oa sethotsa ga a itse; mi lesilo ga le li tlaloganye;

7Eare ha baikepi ba tloga yaka boyañ, mi eare ha ba ba rihañ tsiamololo ba thunya, ki gore ba nyelerioe ka bosina bokhutlo;

8Mi, Yehova, u gorisicoe ka bosina bokhutlo.

9Gone bona, baba ba gago, Yehova! gone bona, baba ba gago ba tla nyelela; basiamolori botle ba tla halarioa.

10Mi lonaka loa me, u tla lo gorisa yaka loa cukuru; ki tla tlorioa ka loukuane lo losha.

11Leitlo ya me le tla leba baba ba me; tsebe tsa me li tla utlua kaga balibe ba ba ’ncogelañ.

12Mosiami o tla thunya yaka tlare sa mokolane, o tla gola yaka tlare sa mosedara mo Lebanona.

13Ba ba tlomiloeñ mo tluñ ea ga Yehova, ba tla thunya mo maloapeñ a Morimo oa rona.

14Ba tla na ba uñua louñuo, le mo bocoheñ yo bogolu, ba tla nona, ba na botalana;

15Go shupetsa ha Yehova, hika ya me, a le tsiamo; mi ga go tsiamololo epe go ena.