1MORIMO, u Morimo oa me; ki gu batla mo phepahaloñ ea mosho; moea oa me oa gu nyoreloa, nama ea me ea gu tlologeleloa, mo hatsiñ ya lokhere le lenyora, kua go si nañ metse;
2Go bona thata ea gago, le khalalelo ea gago, yaka ki gu bonye mo heloñ ga boitsepho.
3Gone tsalano ea gago ea lorato, e molemo bogolu go botselo, lipounama tsa me li tla gu baka.
4Ki tla gu baka yalo ka ki sa tserile; ki tla culetsa liatla tsa me mo ineñ ya gago.
5Moea oa me o tla khora, yaka ka moko le monono; mi molomo oa me o tla belahala, ka lipounama tsa boitumelo.
6Ka ki gu gopola mo bolaoñ yoa me, le go gu gakologeloa mo tishoñ tsa bosigo.
7Gone u lu le thusho ea me; mi ki tla itumela mo murutiñ oa liphuka tsa gago.
8Moea oa me o tla gu ñaparela thata; ua ’nkokotletsa ka atla sa gago se se siameñ.
9Mi ba ba batlañ go senya botselo yoa me ba tla hologela mo maheloñ a a kua tlatse a lehatsi.
10Ba tla oa ka caka; ba tla na kabelo ea liphukuye.
11Mi khosi e tla itumela mo Morimoñ; moñue le moñue eo o ikanañ ka ona o tla belahala; gone melomo ea babui maka e tla tsiyoa.
Who We AreWhat We EelieveWhat We Do
2025 by iamachristian.org,Inc All rights reserved.
