2 Batesaloni 2 - Sechuana Tlhaping Moffatt Bible 1890（TSN1890）

1MI yana, bakauleñue, rea lo rapela ka go tla ga Yesu Keresete Morena oa rona, le ka phuthegelo ea rona go ena,

2Gore lo si tsikinyege ka bonako mo boitlomoñ, khotsa go huruioa, le esiñ ka moea, le esiñ ka lehuku, le esiñ ka episetole yaka e coa go rona, yaka ekete tsatsi ya ga Keresete le gauhe.

3Lo si tsierioe ki ope ka mokhua ope; gone tsatsi ye ga le kitla le tla, ha e sa re pele ga tla tsatsi ya tenego, le mothu oa boleo a bonatsega, eo e leñ moroa tsenyego,

4Eo o khoreletsañ, a ikhorisetsa gorimo ga cotle tse ri birioañ Morimo, khotsa tse ri obameloañ; ga tsamaea a lula yaka Morimo mo tempeleñ ea Morimo, a icupa ha e le ena Morimo.

5Mi a ga lo gakologeloe, ha erile ka ki sa na le lona, ka lo bulelela lilo tseuo?

6Mi yana loa itse se se thibañ, gore a bonatsioe mo motleñ oa gague.

7Gone bosaitsioeñ yoa tsiamololo bo riha le yana; mi ena eo o khoreletsañ, o tla khoreletsa go tlo go tsamaee a tlosioe.

8Mi eriha gona Mosiamolori eo o tla bonatsioañ, eo Morena o tla mo nyeletsañ ka Moea oa molomo oa gague, le go mo senya ka phatsimo ea go tla ga gague;

9 Eboñ ena eo, go tla ga gague go leñ kaha tihoñ ea ga Satane, ka thata eotle, le licupo, le likhakhamaco tsa kako,

10Le bohelepa yotle yoa tsiamololo, mo go bona ba ba latlegañ; gone ba le ba si ka ba cula lorato loa boamarure, gore ba bulukoe.

11Mi ki gona ka mouo Morimo o tla ba romelañ timelo e e thata gore ba rumele leaka;

12Gore botle ba bona ba latlege ba ba sa rumeleñ boamarure, mi ba le ba na le boitumelo mo tsiamololoñ.

13Mi re cuanetse go lo itumelelela Morimo ka gale, bakauleñue, baratoi ba Morena, ka Morimo o lo itseñkeletse puluko mo tsimologoñ, ka boitsephisho yoa Moea, le ka go rumela boamarure;

14Mo, o lo go bileritseñ ka evangelio ea rona, go bona khalalelo ea ga Yesu Keresete Morena oa rona.

15Ki gona, bakauleñue, emañ ka tlomamo, mi tsegetsañ lipulelo tse lo li rutiloeñ, leha e le ka lehuku, khotsa ka episetole ea rona.

16Mi yana Yesu Keresete Morena oa rona ka esi, le Morimo Rra ecu, eo o re ratileñ, eo o re neileñ khomoco e e sa khutleñ, le culuhelo e e molemo ka tsegohaco,

17A gomotse pelu tsa lona, le go lo thatahatsa mo mahukuñ aotle a a molemo le tiho.