Yeremie 37 - Sechuana Tlhaping Moffatt Bible 1890（TSN1890）

KHAOLO 37.

1MI Tsedekie khosi moroa Yosie, eo Nebukadenetsare khosi ea Babelona a mo riha khosi mo hatsiñ ya Yuda, a busa boemoñ yoa Yekonie moroa Yehoyakime.

2Mi ena, le batlañka ba gague, le bathu ba lehatse, ba si ka ba retsa mahuku a ga Yehova, a o la a bua ka Yeremie moperofeti.

3Mi Tsedekie khosi a roma Yehu-kale moroa Shelemie le Tsefanye moroa Maseye moperiseti go Yeremie moperofeti, a re, U re rapelele Yehova Morimo oa rona.

4Mi Yeremie a bo a sa goroga a coa mo bathuñ: gone ba e si ba mo tsenye mo tluñ ea kholegelo.

5Mi ntua ea ga Faroe e le ea coa Egepetoñ; mi erile Bakaledia, ba ba tlaselañ Yerusalema, ba utlua tumeri ea eona, ba tlogela Yerusalema.

6¶ Ereha gona lehuku ya ga Yehova le rihalelañ Yeremie moperofeti, le re,

7Go bua yalo Yehova Morimo oa Bayeserela: U bue yalo le khosi ea Yuda, e e gu ’nthometseñ go ’mpotsa; Bona, ntua ea ga Faroe, e e bololetseñ thusho ea lona, e tla boela kua Egepetoñ kua hatsiñ ya eona.

8Mi Bakaledia ba tla boea ba tlasela motse o, ba o thopa, ba o hisa ka molelo.

9Go bua yalo Yehova: Si itsietseñ, lo re, Bakaledia ba tla re tlogelela rure: gone ga ba kitla ba tloga.

10Gone lo ko lo khemethile ntua eotle ea Bakaledia e e tlabanañ le lona, mi ga sala banona ba eona ba ba kuenisicoeñ bosi, moñue le moñue oa bauo o kabo a nanoga mo tenteñ ea gague a hisa motse o ka molelo.

11¶ Mi ga rihala erile ntua ea Bakaledia e tlogela Yerusalema ka poiho ea ntua ea ga Faroe,

12Hoñ Yeremie a coa Yerusalema go ea kua hatsiñ ya Benyamina, gore a bone kabelo ea gague gona mo bathuñ ba gague.

13Mi ka a le mo khoroñ ea Benyamina, mi muñ oa tebelo a bo a le gona, eo leina ya gague e le le Yiriye, moroa Shelemie, moroa Hananie; mi a cuara Yeremie moperofeti, a re, U tenegela go Bakaledia.

14Mi Yeremie a re, Ki kako; Ga ki tenegele go Bakaledia. Mi a si ka a mo utlua: mi Yiriye a cuara Yeremie, a mo isa kua likhosaneñ.

15Mi likhosana tsa yayaregela Yeremie, tsa mo daea, tsa mo tsenya mo tluñ ea kholegelo mo tluñ ea ga Yonatane mokuari: gone ba le ba e riha ntlu ea kholegelo.

16¶ Erile Yeremie a tsena mo moleteñ, le mo liñaleñ, mi Yeremie a sina nna gona ka malatsi mantsi;

17Ereha gona Tsedekie khosi o romañ a mo entsa; mi khosi ea motsa ka bosaitsioeñ mo tluñ ea eona, ea re, A go lehuku ye le coañ go Yehova? Mi Yeremie a re, Le gona: mi a re, U tla tseñoa mo atleñ sa khosi ea Babelona.

18Le gona Yeremie a raea Tsedekie khosi, Ki gu leohetseñ, khotsa batlañka ba gago, khotsa bathu ba, ka lo ’ntsentse mo tluñ ea kholegelo?

19Mi baperofeti ba lona ba ha kae ba ba lo perofeseritseñ, ba re, Khosi ea Babelona ga e kitla e tla go lo emalalana le lehatse ye?

20Ki gona, khosi, morena oa me, a ko ’nkutlue yana: a ko a mokokotlelo oa me o theloe ha pele ga gago; gore u si ’mposetse kua tluñ ea ga Yonatane mokuari, gore ki si shuele gona.

21Tsedekie khosi ea laola, gore ba loalele Yeremie mo loapeñ loa ntlu ea kholegelo, le gona gore a neoe kholokue ea señkhue e coa mo mileñ oa barubi ka tsatsi le tsatsi, e tsamaee señkhue se se mo motseñ se hele shotle. Mi Yeremie a nna mo loapeñ loa ntlu ea kholegelo.