Deuteronome 6 - Sechuana Tlhaping Moffatt Bible 1890（TSN1890）

1MI tse, ki cona litaolo, le litaeo, le litsiamisho, tse Yehova Morimo oa lona, o li lo laoletseñ go lo ruta, gore lo li rihe mo hatsiñ ye lo le khabaganyetsañ go le rua:

2Gore lo boihe Yehova Morimo oa lona, le go tsegetsa taeo tsa gague cotle, le litaolo tsa gague cotle, tse ki li lo laolelañ; lona, le bana ba lona, le bana ba bana ba lona, metleñ eotle ea tselo yoa lona; gore malatsi a lona a leleharioe.

3¶ Ki gona lona Bayeserela, utluañ, mi lo tlokomele, go li riha; gore lo lemohaleloe, le go intsihala segolu, yaka Yehova Morimo oa bo‐rra enu a la a bua le lona, mo hatsiñ ye le elañ mashi le linotse.

4¶ Lona Bayeserela, utluañ: Yehova Morimo oa rona, ki Yehova eo moñue hela:

5Mi lo rate Yehova Morimo oa lona ka pelu tsa lona cotle, le ka meoea ea lona eotle, le ka nonoho ea lona eotle.

6Mi mahuku a ki a lo laolelañ ka yenu, a a ne mo peluñ tsa lona:

7Mi lo a rute bana ba lona ka tloahalo, mi lo bue ga aona, ha lo lutse mo matluñ a lona, le lo sepela mo tseleñ, le lo itelega, le lo coga.

8Mi lo a hunelele cupo mo atleñ tsa lona; mi a tla na mekare gare ga maitlo a lona.

9Mi lo a kuale mo mepakuaneñ ea matlu a lona, le mo khoroñ tsa lona.

10Mi go tla rihala, mogañ Yehova Morimo oa lona a sina lo isa mo hatsiñ ye o la a le ikanela Aberahame, le Yitsake, le Yakobe bo‐rra enu, go lo naea; metse e meima le ea molemo, e lo si ka loa e aga,

11Le matlu a a tletseñ tse ri molemo cotle, a lo si ka loa a tlatsa, le liriba tse ri epiloeñ, tse lo si ka loa li epa, le masimo a mevina, le a metluare, a lo si ka loa a tloma; mi ere lo sina ya lo khora;

12Lo itise, gore lo si lebale Yehova, eo o la a lo entsa mo hatsiñ ya Egepeto, mo tluñ ea botlañka.

13Lo boihe Yehova Morimo oa lona, lo mo rihele, mi lo ikane ka ina ya gague.

14Lo si late merimo e sele, ea merimo ea merahe e e lo rikanyeritseñ:

15(Gone Yehova Morimo oa lona ki Morimo oa lehuha gare ga lona,) gore bogale yoa ga Yehova Morimo oa lona bo si lo tukele, go lo senya mo lehatsiñ.

16¶ Lo si raele Yehova Morimo oa lona, yaka lo loa mo raela kua Masa.

17Lo tsegetse taolo tsa ga Yehova Morima oa lona ka tloahalo, le licupo tsa gague, le litaeo tsa gague, tse o li lo laoletseñ.

18Mi lo rihe se se thokhameñ le sa molemo mo maitloñ a ga Yehova: gore go lo lemohalele, le gore lo ee lo rue lehatsi ya molemo, ye Yehova o la a le ikanela bo‐rra enu.

19Go khorometsa baba ba lona botle ha pele ga lona, yaka Yehova a buile.

20¶ Ere mogañ bomoroa lona ba lo botsañ, ba re, Licupo, le litaeo, le litsiamisho tse Yehova Morimo oa rona o li lo laoletseñ ki tsañ?

21Mi lo ree bomoroa lona, Re le re le batlañka ba ga Faroe kua Egepeto; mi Yehova o la a re entsa mo Egepeto ka atla se se thata:

22Mi Yehova o la a riha licupo le likhakhamaco tse ri kholu, le tse ri boshula, kua Egepeto, le go Faroe, le mo tluñ ea gague eotle, ha pele ga maitlo a rona:

23Mi a re entsa gona, gore a re ise, go re naea lehatsi ye o la a le ikanela bo‐rra ecu.

24Mi Yehova o la a re laola go riha taeo cotle tse, le go boiha Yehova Morimo oa rona, gore go re lemohalele ka gale, le go re tserisa, yaka ka yenu.

25Mi go tla na tsiamo go rona, ha re tlokomela go riha taolo tse cotle ha pele ga Yehova Morimo oa rona, yaka a re laotse.