Litiho tsa Baapostoloi 20 - Sechuana Tlhaping Moffatt Bible 1890（TSN1890）

1MI ka tlapeo e sina ririmarioa, Paulo a biletsa barutoa go ena, a ba rumerisa, mi a coa a etela kua Makedonia.

2Mi ka a sina ralala likhaolo tse, mi a sina ba kaela ka kaelo li lintsi, a hitla mo hatsiñ ya Bagerika.

3Mi a tlola gona khueri li teri. Mi ka Bayuda ba mo laletse, ka a tla ea kua Siria, a itlomile a ka boea ka Makedonia.

4Mi Sopatero oa Berea a ea nae kua Asia; le Aresetareko le Sekundo, Batesalonia; le Gaiu oa Derebe, le Timoteo; le Tukiko le Terofimo, ba Asia.

5Ba, ba etela pele go re leta mo Teroa.

6Mi ra coa Filipi ka shepa morago ga malatsi a señkhue se se sa berisioañ, mi ra hitla go bona kua Teroa ka malatsi a faev; kua re tlotseñ gona malatsi a seven.

7Mi mo tsatsiñ ya ntla ya ueke, ka barutoa ba sina phuthega mogo go roba señkhue, Paulo a ba rerela, a iketleritse go tsamaea ka mosho; mi a lelehaletsa thero ea gague gareñ ga bosigo.

8Mi gabo gole maseri a le mantsi mo tluñ ea gorimo, kua ba le ba phuthegetse gona.

9Mi gabo gole lekau leñue ye le birioañ Euteko, le rutse mo seboniñ sa ntlu, le cueroe ki thobalo e kholu; mi ka Paulo a sa rera ka bolele, ya oela ka thobalo, ya oa khaoloñ ea teri, mi ya culerioa le shule.

10Mi ka Paulo a hologa a oela go yeona mi a le tlamparela, a re, Si huruegeñ, gone moea oa yeona o sa le go yeona.

11Mi ka a sina ba a tlatlogela gorimo, a roba señkhue, a se ya, mi a bua ka bolele le bona yoa tsamaea yoa sa, mi a tsamaea yalo.

12Mi ba lere lekau le tserile, mi ba gomorioa bogolu bogolu.

13¶ Mi rona ra coela pele mo shepeñ, mi ra etela kua Asoso, kua re itlomileñ re tla tsaea Paulo; gone a la a laotse yalo, mi ena a itloma a tla ea ka linao.

14Mi ka a sina khatlana le rona mo Asoso, ra mo tseela teñ, mi ra hitla kua Mitelene.

15Mi ra coa gona ka shepa, mi ra hitla go lebagana le Kioso ka tsatsi le leñue; mi ra hitla Samoso ka tsatsi le leñue; mi ra tlola mo Teragulio, mi ra hitla Mileto ka tsatsi le leñue.

16Gone Paulo a la a itlomile go heta Efesia ka shepa, gone a sa rate go hetisa motla mo Asia; gone a itlaganela, gore a ne mo Yerusalema ka tsatsi ya Pentekoste, ha go ka na yalo.

17¶ Mi a romela Efesia go coa Mileto, a bitsa bagolu ba ekelesia.

18Mi erile ba sina tla go ena, a ba raea, Loa itse kaha ki le ka na le lona ka gona, mo metleñ eotle, ka tsatsi ya ntla, ye ki hitlañ mo Asia ka yeona;

19Ki rihela Morena ka bonolo yoa pelu yotle, le ka likeleri li lintsi, le lithaelo, tse ri ’nkhatlantsitseñ ka litalelo tsa Bayuda:

20 Le kaha ki si keñ ka thiba sepe se se molemo go lona ka gona, se ki se keñ ka se lo bulelela ka se lo ruta mo ponatsegoñ, le mo tluñ ñue le go e ñue,

21Ka go itsise bona Bayuda le bona Bagerika, tlabologelo Morimoñ, le tumelo e e rumelañ Yesu Keresete Morena oa rona.

22Mi yana, bonañ, kia ea kua Yerusalema, ki golegiloe mo moeeñ, ki sa itse lilo tse ri tla ’nkhatlantsañ gona;

23Ha e si Moea oa Boitsepho o o shupañ, o re, mo motseñ moñue le moñue, likholego le lipogisho lia ’ntebelela.

24Mi lilo tse ga li lipe mo go ’na, le yona botselo yoa me ga ki bo kaele segolu go na, gore ki uetse tsiano ea me ka boitumelo, le tihelo e ki e bonyeñ mo go Yesu Morena, go shupa ga evangelio ea tsegohaco ea Morimo.

25Mi yana, bonañ, kia itse lona lotle ba ki leñ ka ralala gare ga lona, ki rera bogosi yoa Morimo, ga lo kitla lo tlola lo bona sehatlogo sa me.

26Ki gona lo bashupi ba me gompienu, ha ki sina molatu ope mo mariñ a lona lotle.

27Gone ga kia ka ka shuba go lo bulelela khakololo eotle ea Morimo.

28¶ Ki gona lo itiseñ, le lecomane yeotle, ye Moea oa Boitsepho o lo rihileñ balebalebi ba yeona, go hurisa ekelesia ea Morimo, e o e rekileñ ka mari a ona.

29Gone kia itse mo, morago ga khurugo ea me, liphiri tse ri thata li tla tsena mo go lona, tse ri si kitlañ li rekegela lecomane.

30Le lona, banona ba tla coga mo go lona, ba bua lilo tsa cokamo, go gogela barutoa morago ga bona.

31Ki gona, risañ, mi lo gakologeloe, ha ki si ka ka khutla tsatsi le bosigo ka linyaga li teri, go tlagisa moñue le moñue ka likeleri.

32Mi yana, bakauleñue, kia lo kaelela Morimo, le lehuku ya tsegohaco ea ona, ye le nonohileñ go lo agelela, le go lo naea boshua mo go bona botle ba ba itsephisicoeñ.

33Ga kia ka ka eletsa selevera, khotsa gouda, khotsa liaparo tsa ope.

34E, le lona loa itse ha liatla tse li rihetse botlokoa yoa me, le yoa bona ba ba le ba na le ’na.

35Ki lo shuperitse mo liloñ cotle, ha lo cuanetse go thusa ba bokooa ka go riha yalo, le go gakologeloa mahuku a ga Yesu Morena, a o buileñ, Go naea, ki letsego ye legolu bogolu go cula.

36¶ Mi ka a sina bua yalo a khubama, a rapela le bona botle.

37Mi ga na selelo se segolu go bona botle, mi ba oela mo thamoñ ea ga Paulo, mi ba mo atla;

38Ba hutsaharicoe segolu bogolu ki lehuku ye o la a le bua, ha ba si kitla ba tlola ba bona sehatlogo sa gague. Mi ba ea nae kua shepeñ.