2 Likhosi 2 - Sechuana Tlhaping Moffatt Bible 1890（TSN1890）

1MI ga rihala ka Yehova a tla culetsa Eliyahue kua legorimoñ ka secuacue, Eliyahue a ea le Elishe ba coa Gilegala.

2Mi Eliyahue a raea Elishe, A ko u sale ha; gone Yehova o ’nthomile kua Beta‐ela. Mi Elishe a re, Yaka Yehova a tserile, le moea oa gago o tserile, ga ’nkitla ki gu tlogela. Mi ba ea Beta‐ela.

3Mi bomoroa baperofeti ba ba le ba le kua Beta‐ela ba coela go Elishe, ba mo raea, A u itse ha Yehova o tla tsaea muñoago tlogoñ ea gago ka yenu? Mi a re, Eu, kia itse; ririmalañ.

4Mi Eliyahue a mo raea, Elisha, a ko u sale ha; gone Yehova o ’nthomile kua Yeriko. Mi a re, Yaka Yehova a tserile le moea oa gago o tserile, ga ’nkitla ki gu tlogela. Mi ba ea Yeriko.

5Mi bomoroa baperofeti ba ba le ba le kua Yeriko ba tla go Elishe, ba mo raea, A u itse ha Yehova o tla tsaea muñoago tlogoñ ea gago ka yenu? Mi a re, Eu, kia itse; ririmalañ.

6Mi Eliyahue a mo raea, A ko u sale ha; gone Yehova o ’nthomile kua Yoredane. Mi a re, Yaka Yehova a tserile le moea oa gago o tserile, ga ’nkitla ki gu tlogela. Mi bo tu yoa bona ba ea koñ.

7Mi banona ba faevete ba bomoroa baperofeti ba ea, ba ema khakala go lebagana: mi ba tu bauo ba ema ha Yoredaneñ.

8Mi Eliyahue a tsaea kobo ea gague, a e menaganya, a hopha metse, mi a tsetsereganela kuanu le kua, mi bo tu yoa bona ba khabaganya mo komeleloñ.

9¶ Mi ga rihala ba sina khabaganya, Eliyahue a raea Elishe, Lopa se ki tla se gu rihelañ, ki e si ki tseoe go uena. Mi Elishe a re, A ko a kabelo li tu tsa moea oa gago li ne go ’na.

10Mi a re, U lopile se se thata: etlare ha u ’mpona ki tseoa go uena, go tla gu rihalela yalo; mi ha go sa na yalo, ga go kitla go rihala.

11Mi ga rihala, ka ba sa coelela pele, bantse ba bua, bonañ, ga bo gole cariota ea molelo, le lipitse tsa molelo, tsa ba khaoganya; mi Eliyahue a tlatlogela kua legorimoñ ka secuacue.

12¶ Mi Elishe a bona, mi a bitsa, a re, Rre, rre, cariota ea Bayeserela le bapalami ba eona. Mi a si ka a tlola a mona: mi a cuara liaparo tsa gague, a li gagoganya likabetla li tu.

13Mi a culetsa le eona kobo ea ga Eliyahue e e oleñ go ena, mi a boea, a ema ha losiñ loa Yoredane;

14Mi a tsaea kobo ea ga Eliyahue e e oleñ go ena, a hopha metse, mi a re, Yehova Morimo oa Eliyahue o kae? e sa le ena. Mi eare a hopha metse, a tsetsereganela kuanu le kua: mi Elishe a khabaganya.

15¶ Mi erile bomoroa baperofeti ba ba lebaganyeñ le Yeriko ba mona, ba re, Moea oa ga Eliyahue o go Elishe, Mi ba ea ba mo khatlanetsa, mi ba ikobela hatsi ha pele ga gague.

16Mi ba mo raea, Bona yana, go banona ba bonatla ba faevete ba ba nañ le batlañka ba gago: a ko u me ba ee ba batle muñoago: e si re khotsa Moea oa ga Yehova oa bo o mo culeritse, o mo rigetse go eñue ea lithaba, khotsa go moñue oa megorogoro. Mi a re, Si romeñ.

17Mi ba mo emelela ea tsamaea a na litloñ, mi a re, Romañ. Mi ba roma banona ba faevete; mi ba batla ka malatsi a teri, mi ba si ka ba mona.

18Mi ba boela go ena, (gone a nntse kua Yeriko,) mi a ba raea, A ga kia ka ka lo raea, Si eeñ?

19¶ Mi banona ba motse ba raea Elishe, A ko u bone, ha bonno yoa motse bo molemo, yaka morena oa rona a bona: mi metse a boshula, mi ombu ga o uñue.

20Mi a re, ’Nteretseñ moritsana o mosha, mi lo tsenye lecoai go ona. Mi ba o isa go ena.

21Mi a coela kua mocoeriñ oa metse, mi a latlela lecoai go ona, a re, Go bua yalo Yehova, Ki horisite metse ua; ga go kitla go tlola go na loshu le go bisa go uñua go aona.

22Mi metse auo a na a hola le ka yenu, kaha hukuñ ya ga Elishe ye o la a le bua.

23¶ Mi a coa gona a ea Beta‐ela: mi ka a ea ka tsela, ga coa makauana mo motseñ, ba mo shotla, ba mo raea, Tlatloga, u mahatla; tlatloga, u mahatla.

24Mi a retologa, a ba leba, a ba hutsa ka leina ya ga Yehova. Mi ga coa libera li tu mo sekhueñ, tsa gagola bana ba forte tu ba bona.

25Mi a coa gona a ea kua thabeñ ea Karemela, mi a boea gona a ea Samaria.