1MORIMO, pelu ea me e etletsegile; ki tla opela, mi ki tla opela pako ka khalalelo ea me.
2Cogañ saletare le harepe; le ’na ki tla coga go sale gale.
3Ki tla gu baka mo bathuñ, Yehova; mi ki tla gu opelela lipako mo meraheñ;
4Gone boicuarelo yoa gago bo bogolu gorimo ga magorimo; mi boamarure yoa gago bo hitlela kua maruñ.
5Morimo, u gorisioe gorimo ga magorimo; le khalalelo ea gago gorimo ga hatsi yeotle.
6Gore baratoi ba gago ba gololoe; re buluke ka atla se se siameñ sa gago, mi u re arabe.
7Morimo o buile mo heloñ ga ona ga boitsepho; ki tla itumela segolu, ki tla khaoganya Shekema, ki tla lekanyetsa mogorogoro oa Sukota.
8Gileada ki ya me, le Manasa ki ya me; Eferaima ki phemelo ea tlogo ea me; Yuda ki monei‐molao oa me.
9Moaba ki mogopu o o tlapelañ oa me; setlaku sa me ki tla se latlela kua Edoma; ki tla belahalela Filisitia.
10Mañ eo o tla ’nkisañ mo motseñ o o thata? Mañ eo o tla ’nkhogelañ kua Edoma?
11A ga e tlabo e le uena, Morimo o o re latlileñ? o o sa bololeñ le lintua tsa rona, Morimo?
12Re nee khololo mo tlaleloñ; gone thusho ea bathu ki boithamako.
13Re tla riha litiho tsa bopelukhale mo Morimoñ, gone ki ona o o tla ga-takañ baba ba rona.
Who We AreWhat We EelieveWhat We Do
2025 by iamachristian.org,Inc All rights reserved.
