Bahebera 3 - Sechuana Tlhaping Moffatt Bible 1890（TSN1890）

KHAOLO 3.

1KI gona, bakauleñue ba boitsepho, ba e leñ baaberoi ba pico ea legorimo, tsañtsia Yesu Keresete, eo e leñ moapostoloi, le moperiseti eo mogolu, eo re mo ipobotseñ;

2Eo o la a le boikanyo go ona o o mo laoletseñ, yaka Moshe a la a le mo tluñ ea gague eotle.

3Gone ena o cuanecoe ki khalalelo e kholu bogolu go Moshe, yaka moagi oa ntlu a cuanecoe ki tlotlo bogolu go eona ntlu.

4(Gone, ntlu ñue le ñue e agiloe ki moñue, mi eo o agileñ lilo cotle ki Morimo.)

5Mi Moshe o la a ikancoe rure mo tluñ ea gague eotle yaka moriheri, go shupa ga lilo tse li ne li tla nama li buioa;

6Mi Keresete, yaka Moroa, o laola mo tluñ ea gague; eo ntlu ea gague e leñ rona, ha re tsegeletsa bokhutloñ boikanyo yoa rona, le culuhelo ea boitumelo.

7Ki gona yaka Moea oa Boitsepho o re, Gompienu, ka lo sa utlua koru ea ona,

8Si thatahatseñ pelu tsa lona, yaka mo tlukuhacoñ, mo motleñ oa thaelo kua gareganaga;

9Ka bo‐rra enu ba le ba ’nthaela, ba ’nteka, mi ba bona tiho tsa me ka linyaga li forte.

10Ki gona, ki le ki le bogale le losika lo, mi ka re, Ba timela ka gale mo peluñ tsa bona, mi ga ba ka ba ipobola tsela tsa me.

11Mi yalo ka ikana ka bogale yoa me, Ga ba kitla ba tsena mo khucoñ ea me.

12Itiseñ, bakauleñue, gore e si re khotsa pelu ea boshula, le ea go bisa go rumela, ea na mo go moñue oa lona, go tenega go Morimo o o tserileñ.

13Mi kaelanañ ka metla eotle, ka go santse go tua, Gompienu; gore go si ne ope oa lona eo o thataharioañ ki tsieco ea boleo;

14Gone re tla rihoa baaberoi ba matsego a ga Keresete, ha re tsegeletsa bokhutloñ boikanyo yoa rona yoa ntla.

15Le mororo go tua, Gompienu, ka lo sa utlua koru ea ona, si thatahatseñ pelu tsa lona, yaka go rihetse mo tlukuhacoñ;

16Mi e le le bo mañ, ba ba rileñ ba sina utlua, ba tlukuhatsa? a e le e si botle ba ba coañ le Moshe kua Egepeto?

17Mi o lo le bogale le mañ ka linyaga li forte? A e le e si le ba ba leohileñ, ba litoto tsa bona li oetseñ gareganaga?

18Ba o ba ikanetseñ, oa re, ga ba kitla ba tsena mo khucoñ ea gague, e bo mañ, ha e si ba ba le ba sa rumele?

19Mi yana rea bona ha ba le ba sa kake ba tsena ka ntla ea go bisa go rumela.