Esekiele 16 - Sechuana Tlhaping Moffatt Bible 1890（TSN1890）

KHAOLO 16.

1MI lehuku ya ga Yehova ya ’ntihahalela, ya re,

2Moroa mothu, itsise Yerusalema maila a ona,

3U re, Yehova Morena o bua yalo le Yerusalema: Tsimologo ea gago le lotsalo loa gago e le le tsa lehatse ya Kanana: rago e le le Moamora; le mago Moheta.

4Mi kaga lotsalo loa gago, khubu ea gago e si ka ea khaoloa ka tsatsi ye u lu ua belegoa ka yeona, mi ga ua ka ua tlapisioa ka metse go itsekisioa ka gope, ga ua ka ua lokoa ka lecoai ka gope, le esiñ go boheleloa ka seboho.

5Ga bo go si leitlo ye le ya gu tlomogela pelu, go gu rihela ka señue sa tseuo, go gu rekegela; mi u lu ua latleloa kua nageñ, go ea tenoñ ea botselo yoa gago, ka tsatsi ye u lu ua belegoa ka yeona.

6Mi erile ki heta ka uena, ka gu bona u birikama mo mariñ a gago, ka gu raea u le mo mariñ a gago, Tsela: E, ka gu raea u le mo mariñ a gago, Tsela.

7Ki gu ntsiharitse yaka melo ea naga, mi u ntsihetse, u rihegile segolu, mi u hitlile khaboñ e e kholu; mabele a gago a rule, mi moriri oa gago o merile, ecua u lu u sa ikatega u le lohorotlo.

8Mi ka heta ka uena, ka gu bona, mi bona, lobaka loa gago e le le lobaka loa lorato; mi ka gu phuthololela lohuka loa me, ka bipa bosaikatega yoa gago: E, ka gu ikanela, ka riha kholagano le uena, go bua Yehova Morena, mi ua na oa me.

9Ereha gona ki gu tlapisañ ka metse; E, ka cokotsa mari a gago go uena, mi ka gu tlotsa ka loukuane.

10Mi ka gu apesa marorori, ka gu roesa litlaku tsa letlalo tsa mañyiri, ka gu tlama ka lene ye le lokhehe, ka gu apesa sei.

11Ka gu khabisa ka likhabo, ka roesa mehitsana mo mabogoñ a gago, le keten ea khabo mo thamoñ ea gago.

12Mi ka tsenya khabo ea eñko mo eñkoñ ea gago, le manyena mo tsebeñ tsa gago, le kerone e e galalelañ mo tlogoñ ea gago.

13Ua khabisioa yalo ka gouda le selevera; mi aparo tsa gago e le le lene ye le lokhehe, le sei, le marorori; ua ya setou, le linotse, le loukuane: mi ua na moiñtle bogolu segolu, mi ua tsegohalela mo bogosiñ.

14Mi leina ya gago ya coela mo bahaiteneñ ka boiñtle yoa gago: gone bo itekanetse ka boiñtle yoa me, yo ki bo beileñ go uena, go bua Yehova Morena.

15¶ Mi ua ikanya boiñtle yoa gago, mi ua akahala ka leina ya gago, mi ua thelela moñue le moñue eo o hetañ maakahalo a gago; e le le yoa gague.

16Mi ua tsaea aparo tsa gago, u itihela mahelo a gorimo thanyo, ua akahalela go aona: kua u kabo u si ka ua ea gona, mi go kabo go sa rihale.

17Mi ua tsaea lilo tsa khabo tsa gago tsa gouda ea me le tsa selevera sa me, tse ki li gu neileñ, mi u itihetse licuanco tsa senona, mi ua akahala ka cona

18Mi ua tsaea liaparo tsa gago tsa marorori, ua li khurumetsa ka cona: mi ua baea loukuane loa me le ensense ea me ha pele ga cona.

19Mi liyo tsa me tse ki li gu neileñ, eboñ setou, le loukuane le linotse, tse ki gu yesitseñ ka cona, le tseuo ua li baea ha pele ga cona go na loñko lo lo natehañ: gole gontse yalo, go bua Yehova Morena.

20Mi ua tsaea bomoroau le bomoroariu, ba u ba ’ntsaletseñ, mi ua ba naea go nyelerioa. A seo se sa maakahalo a gago se bobotlana,

21Ka u bolaile bana ba me, le go ba naea go li ralalela molelo?

22Mi ga ua gakologeloa malatsi a bokau yoa gago, mo maileñ aotle a gago le maakahalo a gago, malatsi a erileñ u sa ikatega u le lohorotlo, u birikama mo mariñ a gago.

23Mi ga rihala morago ga boshula yoa gago yotle, (go latlega, go latlega uena! go bua Yehova Morena,)

24Ha u lu ua ikagela helo ga akahalelo, le go itihela helo ga gorimo mo mileñ moñue le moñue.

25U agetse helo ga gorimo ga gago mo libaeñ tsa tsela cotle, mi u khaphaharitse boiñtle yoa gago, u ikaka-negetse moñue le moñue eo o hetañ, u intsiharitse maakahalo a gago.

26Mi u akahetse le Baegepeto bañ ka uena, ba ba leñ bagolu ba nama; mi u intsiharitse maakahalo a gago, go ’nkhakatsa.

27Bona, ki gu otlololetse atla sa me, ki gu okocololetse kabelo ea gago e e laocoeñ, ka gu tsenya mo thatoñ ea bona ba ba gu ilañ, eboñ bomoroaria Bafiliseta, ba ba le ba shoshobagañoa ki tsela ea gago ea mathamo.

28Mi u akahetse le Baasiria, gone u sa khonege; E, u akahetse le bona, mi u sa khonege.

29Mi u intsihetse maakahalo mo hatsiñ ya Kanana le kua Kaledia; mi ga ua ka ua khonega ka mouo.

30Pelu ea gago e motlohu yañ, go bua Yehova Morena, ecua u riha tseuo cotle, tiho ea mosari eo o akahalañ a busa.

31Ka u aga helo ga akahalelo ga gago mo libaeñ tsa tsela cotle, le go riha helo ga gorimo ga gago mo mebileñ eotle, le esiñ go na yaka seaka, ecua u shotla le tuelo.

32 Mi u cuana le mosari eo o akahalañ, a cula baeñ boemoñ yoa monona oa gague!

33Liaka cotle li neoa tuelo: mi uena, u naea barati ba gago botle tuelo tsa gago, mi u ba thelesetsa, gore ba coe tikologoñ go uena ka maakahalo a gago.

34Mi uena u o sele mo basariñ ba bañue kaga maakahalo a gago, ka go si ope eo o gu latelañ go akahala: le gona ka u naea tuelo, mi ga u neoe tuelo, ki gona u o sele.

35¶ Ki gona, uena seaka, utlua lehuku ya ga Yehova:

36Go bua yalo Yehova Morena: A ere ka litloñ tsa gago li culoloa, le bosaikatega yoa gago bo bipololoa ka maakahalo a gago le barati ba gago, le licuanco tsa merimo cotle tsa gago tsa maila, le ka mari a bana ba gago, ba u ba ba neileñ;

37Ki gona, bona, ki tla phutha barati ba gago botle, ba u ipotsehetseñ ka bona, le botle ba u ba ratileñ, le botle ba u ba irileñ; mi ki tla ba gu phuthela tikologoñ, ki ba bipololela bosaikatega yoa gago, gore ba bone bosaikatega yoa gago yotle.

38Mi ki tla gu sekisa ka tsekisho tsa liaka, le tsa bona ba ba culololañ mari: mi ki tla gu naea mari ka bogale le lehuha.

39Mi ki tla gu tsenya mo atleñ tsa bona, mi ba tla rutla helo ga akahalelo ga gago, ba rutla mahelo a gago a gorimo: mi ba tla gu apola aparo tsa gago, ba tsaea lilo tsa khabo tsa gago, ba gu tlogela u sa ikatega u le lohorotlo.

40Mi ba tla tlisa leshomo go uena, mi ba tla gu khobotletsa ka maye, ba gu remaganya ka caka tsa bona.

41Mi ba tla hisa matlu a gago ka molelo, ba tla gu rihela litsekisho ha pele ga basari bantsi: mi ki tla gu khutlisa go akahala, mi le gona ga u kitla u tlola u naea tuelo.

42Mi ki tla khutsisa bogale yoa me kaga gago, mi lehuha ya me le tla gu tlogela, ki tla iketla, mi ga ’nkitla ki tlola ki galeha.

43Gone ga ua gakologeloa malatsi a bokau yoa gago, mi u ’mphuruile ka tseuo cotle; ki gona bonañ, ki tla khopololela tsela ea gago mo tlogoñ ea gago, go bua Yehova Morena: mi ga u kitla u riha mathamo a le maila aotie a gago.

44¶ Bona, moñue le moñue eo o buañ ka liane, o tla bua seane se kaga gago, a re, Yaka mma antse, le moroarie ontse yalo.

45U moroaria mago, eo o la a tenoa ki monona oa gague le bana ba gague; mi u khantsaria bokhantsariu, ba ba le ba tenoa ki banona ba bona le bana ba bona: ma lona e le le Moheta, le ra lona Moamora.

46Khantsariu eo mogolu e le le Samaria, ena le bomoroarie ba ba le ba nntse ha atleñ sa gago sa molema: mi khantsariu eo o motlana go uena eo o la a nna ha atleñ sa gago se se siameñ e le le Sodoma le bomoroarie.

47Leha gontse yalo ga ua ka ua tsamaea mo tseleñ tsa bona, le esiñ go riha kaha maileñ a bona; mi uena u go kaeile yaka sebotlana, mi u borisitse mo tseleñ tsa gago cotle bogolu go bona.

48¶ Yaka ki tserile, go bua Yehova Morena, Sodoma khantsariu ga oa ko oa riha, ona le bomoroaria ona, yaka u rihile, uena le bomoroariu.

49Bona, e, e le le tsiamololo ea Sodoma khantsariu; bopeluumpe, le motletsetletse oa liyo, le letsego ya iketlo e le le go ona le mo go bomoroaria ona; mi ga ba ka ba thatahatsa atla sa mohumanegi le batloki.

50Mi ba ikhorisa, ba khaphahatsa ha pele ga me: ki gona ki ba tlositseñ yaka ki bonye.

51¶ Le Basamaria, ga ba ka ba leoha bontla ñue yoa maleo a gago; mi uena, u intsiharitse maila a gago bogolu go bona, mi u siamiseritse bokhantsariu ka maila aotle a u a rihileñ.

52Le uena u belege coshobagano, uena eo u atloletseñ bokhantsariu ka maleo a gago ua u khaphaharitseñ ka aona bogolu go bona: ba siamisicoe bogolu go uena: ki gona le uena u tlayoe ki litloñ, u belege coshobagano ea gago, ka u siamisitse bokhantsariu.

53Leha gontse yalo ki tla tlisa bocuaro, eboñ bocuaro yoa Sodoma le bomoroaria ona, le bocuaro yoa Samaria le bomoroaria ona, mi ki tla tlisetsa gare ga bona bocuaro yoa bacuaroi ba gago:

54Gore u belege coshobagano ea gago, le go shoshobagañoa ki cotle tse u li rihileñ, ecua u ba gomoritse.

55Mi bokhantsariu, eboñ Sodoma le bomoroaria ona ba tla boela popegoñ ea bona ea ntla, mi Samaria le bomoroaria ona ba tla boela pogegoñ ea bona ea ntla, le uena le bomoroariu lo tla boela popegoñ ea lona ea ntla.

56Leha Sodoma khantsariu o la a si ka a utluioa mo molomoñ oa gago ka tsatsi ya mapeluumpe a gago;

57Pele boshula yoa gago bo e si bo bipololoe, ka motla o u lu ua khoyoa ka ona ki bomoroaria Siria, le botle ba ba tikologoñ ea yeona, le bomoroaria Bafiliseta ba ba gu nyaritseñ tikologoñ.

58Mathamo a gago le maila a gago, u a belege, go bua Yehova.

59Gone go bua yalo Yehova Morena: Le uena ki tla gu rihela yaka u rihile, uena eo u nyaritseñ ikano, ka go khaoganya kholagano.

60Leha gontse yalo ki tla gakologeloa kholagano ea me nau, ea malatsi a bokau yoa gago, mi ki tla tlomamisa kholagano e e sa khutleñ nau.

61Ereha gona u tla gakologeloañ tsela tsa gago, u shoshobagañoa, mogañ u tla culañ bokhantsariu ba bagolu go uena, le bona ba ba botlana go uena, mi ki tla ba gu nela bomoroariu, mi esiñ ka kholagano ea gago.

62Mi ki tla tlomamisa kholagano ea me nau; mi u tla itse ha ki le Yehova:

63Gore u gakologeloe u tlayoa ki litloñ, le go bisa go tlola go tumolola molomo oa gago ka coshobagano ea gago, mogañ ki gu ruanyetsañ kaga cotle tse u li rihileñ, go bua Yehova Morena.