Eclesiástico 49 - Biblia Guaraní con Deuterocanónicos

Josías ha Jeremías

1Mandu'a Josías rehe

ojogua insiénso ryakuã,

mba'e ryakuã porã apoha

rembiapokuéva,

eirete ñande jurúpe,

ha ñande apysápe mba'epu

karu guasu jave.

2Hape vaígui

hetã guápe ombojevy,

ha tupã gua'u ahẽ

ra'ãnga rei kuéra ohundipa.

3Ñandejára rape rupi oiko

ipy'aite guive,

ha ohayhu chupe

ndaiporivéi ramo guare

oikuaaséva mba'eve

Ñandejáragui.

4Ndaha'éi ramo David,

Ezequías ha Josías,

mburuvicha guasu kuéra

mba'e vai apoha meme vaekue,

ha ojei haguére

upe Yvatetegua

rembiapoukapýgui,

Judá ruvicha guasu kuéra

ojeheja rei vaekue.

5Ome'ẽ mante vaerã vaekue

ipokatu kuéra ambuépe,

ha heko mimbipa

tetã mombyry guápe.

6Umíva ohapypa

itáva marangatu,

ha oheja avave'ỹre

umi tape,

7he'i haguéicha chupe kuéra

Jeremías, ojeapo'irõ guare,

ku ha'e maranduhára*f** vaekue

isy rye guive voi, ohapo'o,

ombyai ha ohundi haguã,

ha upéi omopu'ã

ha oñotỹ haguã.Ezequiel ha ambue maranduhára*f**

8Ezequiel ohecha

Ñandejára reko mimbipa,

oguapýrõ

10Umi 12 maranduhára,

hi'ãnte ikãnguekue

ipoty jey ityvy kuápe!

Ha'e kuéra niko

ombovy'a jey vaekue

Jacóbpe,

ha oipe'a ivaívagui

jerovia

ha teko añetegua rupi.

Tetã mombyrýgui ou jeýva

11Mba'éichapa ikatúne

ojererohory Zorobabel?

Ñandejára po akatu pegua

kuãirũ ha'ãngávaicha vaekue.

12Ha upéicha avei Josué,

Josadac ra'y.

Ha'e kuéra ojapo vaekue

upe Óga,

ha omopu'ã pe Tupao

Ñandejárape guarãva,

omimbipa haguã

opa árape guarã.

13Toiko avei mandu'a rory

Nehemías rehe,

omopu'ã jey vaekue

táva tápia kuéra

ojero'apáva,

ha omohokẽ jey

imbotyha ratã reheve.Henoc, José ha ñande ru kuéra ypykue

14Avave Henoc joguaha

ndojejapói vaekue yvy ári,

ha'e avei ojereraha vaekue

yvy árigui.

15Ndaipóri vaekue avei

Josépe ombojojáva,

Umi ikãnguekue jepe

ojeapo vaekue mba'érõ.

16Sem ha Set

ojeapo vaekue mba'érõ

yvypóra apytépe.

Opavave ári katu oĩ Adán.