Éxodo 19 - Biblia Guaraní con Deuterocanónicos

Israelgua oguahẽ Sinaípe

1Upe ára osẽ hague Egíptogui, ohasa rire mbohapyha mes, Israelgua oguahẽ yvy ojeiko'ỹháme Sinaí pegua.

2Osẽ hikuái Refidímgui ha oguahẽvo Sinaípe opyta upépe yvyty rovái.

Tupã he'i oñoñe'ẽ me'ẽtaha Israelgua ndive

3Moisés ojupi Tupã rendápe ha Ñandejára ohenói yvytýgui ha he'i chupe:

—Ere kóicha Israel guápe:

4“Pehecháma ajapo vaekue Egiptogua rehe ha mba'éichapo mo'ã ha pogueru che rendápe.

5Pejapo ramo añetehápe che ha'éva, ha ñaĩ ramo oñondive oñoñe'ẽme, peẽta che retã tee opa tetã apytépe.,

7Upérõ Moisés ombyaty Israelgua myakãhárape*f** ha omombe'u chupe kuéra upe Ñandejára he'ikáva.

8Ha opa Israelgua he'i: “Rojapóta opa mba'e he'ívaEx 24.3; Dt 5.27. Ñandejára.” Ha Moisés ogueraha Ñandejárape Israelgua ñe'ẽ.

Ñembosako'i ñe'ẽ ñome'ẽme guarã

9Ñandejára he'i Moiséspe:

—Ajúta ne rendápe peteĩ arai anambusúpe, Israelgua ohendu haguã añe'ẽ ramo ndéve.Upéicha ha'e kuéra ojeroviáta opa ára nde rehe.

Moisés omombe'u jey Ñandejárape Israelgua ñe'ẽ.

10Ñandejára he'i Moiséspe:

—Tereho ha emopotĩ*f** chupe kuéra ko árape ha ko'ẽrõ, ha ejoheika chupe kuéra ijao,

11toñembosako'i ára mbohapyhápe guarã. Upérõ aguejýta maymáva rovake yvyty Sinaí ru'ãme.

12Emongora upe yvyty ha ere chupe kuéra ani haguã ojupi yvytýpe térã opoko imongoraha rehe.Opokóva hese tojejuka.

13Ani avave opoko hese ha pejuka pejapívo hu'y térã itápe. Taha'e kuimba'e térã mymba ani peheja oikove. Upe turuHeb 12.18-20. ipu rire ae, ha'e kuéra ikatúta ojupi upe yvytýpe.

14Moisés oguejy rire yvytýgui, omopotĩ*f** Israel guápe, ha ha'e kuéra ojohéi ijao.

15Ha he'i chupe kuéra:

—Peñembosako'íke ára mbohapyhápe guarã ha ani oiko avave hembireko ndive.

Tupã ojechauka

16Ára mbohapyhápe ko'ẽtĩ jave, oiko ára sunu ha ára tiriAp 4.5. ha arai anambusu ojaho'ipa yvyty ru'ã. Trompéta pu mbarete oñehenduha maymáva oñepyrũ oryrýi.

17Moisés he'i chupe kuéra osẽ haguã hekohágui Tupã ruguãtĩvo. Oho opyta hikuái yvyty rembe'ýpe.

18Yvyty Sinaí otĩmbopa, Ñandejára oguejy haguére hi'ári tatáicha.Dt 4.11-12; 5.4; Eclo 45.5. Upe yvyty ojogua tatakua guasu hatatĩmbáva ha oryrýi mbarete eterei.

19Trompéta pu hyapu mbareteve ohóvo. Moisés oñe'ẽ Tupãme ha Tupã oñe'ẽ chupe ára sunúicha.

20Ñandejára oguejy Sinaí ru'ãme, ohenói Moiséspe ha ha'e ojupi hendápe.

21Ñandejára he'i Moiséspe:

—Eguejy ha ere Israel guápe ani haguã avave ohasa upe yvyty mongorahágui che recha haguã, cháke omanóta heta ha'e kuérava.

22Pa'i kuéra jepe, ikatúva oñemboja che rendápe, tekotevẽ oñemopotĩ'ỹ*f** ramo andyrýta hese kuéra.

23Moisés he'i Ñandejárape:

—Israelgua ndojupi mo'ãi. Nde niko ereka kuri chupe kuéra ani avave ohasa yvyty mongorahágui oñemboykégui ndéve guarã.

24Ñandejára he'i chupe:

—Tereho katu hendápe kuéra ha eju jey Aarón ndive. Pa'i ha tetãgua kuéra katu ani ohasa yvyty mongorahágui ojupi haguã che rendápe, ỹrõ andyrýta hese kuéra.

25Moisés oguejy ha he'i ko'ã mba'e Israel guápe.