1Simón, ku ñane mandu'áma hague, omoĩ vai vaekue hetã omosarambívo japu tupao pegua pira pire aty rehegua, oiko omoherakuã vai Oníaspe, he'i ha'e hague pe ojeity vaekue Heliodóro rehe ha omoingo asy heta chupe.
2Tova atãme he'i Onías rehe opu'ãha mburuvicha guasúre, ku ojekuaa porãva Onías heta mba'e porã ojapo hague Jerusalén rehe, hetã guápe heta mba'e vaígui omo'ã ha ombyaje Tupã rembiapoukapy.
3Simón arako'ẽre ndaija'evéi ohóvo Onías rehe ha upéi peteĩ Simón jeroviaháva oiko oporojuka.
4Ohecha kuaávo Onías upe mba'e ivai etereimaha, ha ohechávo Apolonio, Menesteo ra'y, mburuvicháva Celesiria ha Feníciape, ohatapyñaha Simónpe heko añávo,
5oho mburuvicha guasu rendápe, ndaha'éi omoĩ vai haguã hetã guápe, oipotágui uvei iporãva chupe kuéra.
6Onías ohecha kuaa mburuvicha guasu oike'ỹ ramo omoĩ porã, ndaipóri mo'ãi py'a guapy ha Simón ndopoi mo'ãi heko tarovágui.
Jasón omoinge Greciagua reko Israélpe7Omanóvo Seleuco, ojupi hendaguépe Antíoco, ojeheróva Epífanes. Aipo ramo Jasón, Onías ryvy, ome'ẽ pira pire oñemoingo haguã pa'i guasúrõ.
8Ojuecha mburuvicha guasu ndive ha oikuave'ẽ chupe upévare 11.880 kílo pláta ha upéi 2.240 kilove hi'ári.
9He'i avei ome'ẽtaha 5.000 kílo rupi, ohejárõ chupe ojapo, ijehegui, peteĩ oñeñembyatyhápe ojehecha haguã opa mba'e oporombovy'áva ha peteĩ mitã rusu kuéra ñemboharaiha renda ikatuhápe ojeporoheko mbo'e Greciagua rekóre, ha ojererekóta ramo Jerusalén guápe Antioquía guáva ramo.
10Mburuvicha guasu ome'ẽ chupe umi ojeruréva, ha Jasón, ojupi guive pa'i guasúrõ, omyakã raku hetã guápe oiko haguã Greciagua oikoháicha.
11Oheja rei opa mba'e iporãva ohupyty vaekue Israelgua maymáva ogueru vaekue Juan, Eupólemo ru. Eupólemo hína ku oñemondo vaekue ojapo haguã py'a guapy ha ñomoirũ rehegua kuatia umi Romagua ndive.1 Mac 8.17. Jasón oipe'a avei tembiapoukapy reko ha omoĩ hendaguépe teko ambue ombohováiva tembiapoukapýpe.1 Mac 1.15,44-50.
12Pya'e porã omopu'ã Jerusalén óga mbarete ypýpe peteĩ oñeñembyatyhápe ojehecha haguã opa mba'e oporombovy'áva ha peteĩ mitã rusu kuéra ñemboharaiha renda. Ogueraha upépe umi ikatupyryvévape ojeheko mbo'évo.
13Jasón, pe pa'i guasu gua'u, heko añágui opa rupi oipyso Greciagua reko, ha hetave ohóvo umi oikoséva mombyrygua rekópe.
14Ha upéicha, umi pa'i ndojaposevéi mba'eve tupaópe, ha ha'e kuéra voi, oheja reívo tupao ha mymbajuka,*f** ipúvo turu oporohenóiva, tenondete oike umi ñemboharáipe ombohováiva tembiapoukapýpe
15Omboykete Israelgua reko jeroviaha ha omomba'e guasu Greciagua reko.
16Ha upévare voi ojecha hikuái jejopy vaípe umi oikosete vaekue Grecia guáva ramo, umi mombyrygua niko ndaija'éi hese kuéra ha oguereko ipoguýpe.
17Jaikuaáma voi, ñapu'ã ramo Tupã rembiapoukapýre ñande rupytyha katuete ñenupã, ohechaukaháicha opa mba'e oñemombe'útava ko'ágã.
18Oikóvo Tírope, mburuvicha guasu renondépe, pe ñemboharái ojejapóva jepi ohasávo irundy áño,
19Jasón, pe teko aña tuja, omondo Jerusalén guápe, Antioquiagua ramo guáicha, ohecha haguã umi ñemboharái, ha ome'ẽ chupe kuéra 300 pláta pehẽngue omymbajuka haguã tupã gua'u Hércules rérape. Ha'e kuéra katu he'i hikuái iporãvetaha, mymbajuka rangue, oiporu umi pláta pehẽngue ambue mba'épe.
20Ha upéicha, pe pláta ome'ẽ vaekue Jasón oñemymbajuka haguã tupã gua'u Hércules rérape, umi herahaha oiporu ombosako'i haguã várko ñorãirõrã.
21Apolonio, Menesteo ra'y, oho ramo guare Egíptope oĩ haguã mburuvicha guasu Filométor oñemoingohápe mburuvicha guasúrõ, Antíoco oikuaa Filométor noĩriha hendive ha oñeha'ã ojeguereko chugui. Upévare oho táva Jópepe, ha upégui ohasa Jerusalénpe.
22Jasón ha tavagua kuéra ohuguãitĩ chupe mba'e rendy reheve ha jererohory guasúpe. Upéi, Antíoco oho opyta iñorãirõhára kuéra ndive Feníciape.
Menelao oñemoingo pa'i guasúrõ23Mbohapy áño ohasa rire, Jasón omondo Simón ryvy Meneláope, oguerahávo pira pire mburuvicha guasúpe ha oikuaávo mba'épa ha'e he'i ojapo vaerãha.
24Menelao katu, Oguahẽvo mburuvicha guasu renondépe, oñemoĩ porã hendive, ogueroviaukávo Antíocope ha'e tuicha mba'eha, ha oikuave'ẽve chupe 9.900 kílo pláta upe Jasón oikuave'ẽ vaekue ári oñemoingo haguã pa'i guasúrõ.
25Oñemoingóvo pa'i guasúrõ, Menelao oho jey Jerusalénpe ha upépe ohechauka naiporãiha pa'i guasurã, oiko katu chugui peteĩ porojopyhára heko añáva, ojoguáva tymba ñarõme.
26Upéicha rupi Jasón, omohendague vaekue pokarẽme ityke'ýrape, ha'e oñemohendague avei pokarẽme ha osẽ mante upégui oho okañy Amónpe.
27Menelao, ojupi vove pa'i guasúrõ, ndojepy'apy véima oguerahauka haguã mburuvicha guasúpe pláta oikuave'ẽ vaekue.
28Jerusalén óga mbarete ruvicha Sóstrates ha'éva mburuvicha guasu pláta mono'õha ojerure mante chupe upe pláta. Upéicharõ jepe nome'ẽi mba'eve. Upévare, mokõivévape ohenoika mburuvicha guasu.
29Aipórõ, Menelao oheja henda pa'i guasúrõ, tyvýra Lisímacope, ha Sóstrates oheja avei henda Crátespe, Chipre pegua ñorãirõhára kuéra ruvicha.
Onías ojejuka30Ko'ã mba'e oiko aja, Tarso ha Malogua kuéra opu'ã, itáva guasu kuéra oñeme'ẽ haguére jopói ramo mburuvicha guasu kuña Antióquiape.
31Mburuvicha guasu oho pya'e porã ojoko haguã upe ñepu'ã, ha oheja sapy'a hendaguépe peteĩ ijeroviaha Andrónico héravape.
32Menelao oimo'ãgui ou porãha chupe umíva umi ára, omonda tembiporu óro tupao pegua, oĩ ome'ẽva Andrónicope jopói ramo, ha oĩ ome'ẽ vaekue hepýre Tírope ha umi táva ijerereguápe.
33Oikuaa porãvo ko'ã mba'e, Onías oho Dáfnepe, Antioquía ypýpe, oikuaágui upépe ndaikatu mo'ãiha oñendyry hese, ha upe guive ohova api Meneláope hembiapokuére.
34Menelao, aipórõ, oñemboja ñemiháme Andrónico rehe ha he'i chupe ojuka haguã Oníaspe. Andrónico oho Onías rendápe, ha ombohasávo chupe ipo he'i tova mokõime ndojapo mo'ãiha hese mba'eve. Onías ndogueroviapái chupe, ipahápe katu oguerovia ha osẽ pe okañyhágui. Osẽmírente, Andrónico ojuka rei ete chupe.
35Upévare, ndaha'éi Israelgua añónte, heta ambue tetã mombyrygua katu, ipochy joa ojejuka reiete haguére upe kuimba'épe.
36Ha mburuvicha guasu oho jeývo Cilíciape, umi Israelgua oikóva upe táva guasúpe oho oñe'ẽvo hendive Onías jejukakuére, umi Greciagua, Israel guáicha avei nopomorãi ete upe jejuka.
37Antíoco, oipy'apy eterei rupi chupe ha oiporiahurereko etereígui, hasẽ imandu'ávo Mba'éichapa Onías iñakã porã ha heko kuaa vaekue.
38Ipochy etereígui, oipe'a Andrónicogui ijahoja pytã ha omondoropa chugui ijao, ha upéi omboguatauka pe táva guasúre pe Oníaspe ojuka hague peve, ha upépe ojuka pe porojukaharépe. Péicha Ñandejára oinupã chupe hembiapo vaikue ojerureháicha.
Lisímaco ojejuka39Menelao ndive ñomoirõme, Lisímaco heta mba'e marangatu omonda. Oikuaávo tavagua kuéra opu'ã Lisímaco rehe, upe ramo guarã heta mba'e órova okañy.
40Ohechávo tavagua oñepyrũha opu'ã pochy guasúpe, Lisímaco ombosako'i 3.000 ñorãirõhára ha omoĩ aipo Auranos pópe, itujámava ha naiñakã porãiva, ojeity haguã hese kuéra.
41Tavagua kuéra, ohechávo Lisímaco ondyryha hese kuéra, oĩ ohupíva ita, oĩ ohupíva yvyra pohýi ha oĩ ohupíva tanimbu pe yvýpe oĩva, ha tuicha sarambi pa'ũme, omombo hikuái Lisímaco ñorãirõhára kuérare.
42Ha upéicha hetápe ojapi ha hetápe ojuka ha hembyrépe omosarambipa, ha Lisímacope, tupao omomarã vaekue, ojuka hikuái umi mba'eta tupao pegua ypýpe.
43Opa ko'ã mba'ére oñembojovake Meneláope.
44Mburuvicha guasu oho ramo guare Tírope, mbohapy kuimba'e omondo vaekue myakãhára*f** aty Israel pegua, ohova api Meneláope mburuvicha guasu renondépe.
45Ojecha vaímarõ, Menelao oikuave'ẽ hetaiterei pira pire Dorimeno ra'y Toloméope,1 Mac 3.38; 2 Mac 10.12. oñe'ẽ haguã hese mburuvicha guasúpe.
46Ha upéicha, Toloméo ogueraha mburuvicha guasúpe oñembopiro'y haguãicha gua'u ha ogueroviauka chupe Menelao nda'ivairiha.
47Upéicha rupi upe mburuvicha guasu oheja rei Meneláope opa oje'éva hese ha ojukauka umi hova apiharépe, itavyvéva jepe ikatúva ohechakuaa imarangatuha.
48Hese kuéra, ojapose vaekue iporãva táva guasúre, ipypegua kuérare ha opa tembiporu tupao peguáre, ho'a upe ñenupã hekopegua'ỹ ete.
49Upévare, oĩ vaekue Tirogua, ipochy etereígui umi mba'e vaietáre, pojerápe oipytyvõ oñeñotỹ porã haguã umi ojejuka vaekue.
50Menelao opytánte pa'i guasúrõ, oĩ porãgui poguasu kuéra ndive ha ára ko'ẽre hembiapo vaive ha oiko chugui tekove ija'e'ỹveha hetãgua kuérape guarã.
Who We AreWhat We EelieveWhat We Do
2025 by iamachristian.org,Inc All rights reserved.
