1Nicanor oikuaávo Judas ha iñirũ nguéra oĩha hikuái Samaría jerére, ohecha Mba'éichapa ondyrýta hese kuéra, ojecha vai'ỹ haguãicha pytu'u árape.
2Umi Israelgua, mbaretépe oho vaekue hendive, he'i chupe:
—Ani rejuka chupe kuéra, teko añaitépe ha tymba ñarõicha, pytu'u árape. Pembyaje upe ára Tupã, opa mba'e ohecháva, omboyke vaekue imba'erã.
3Pe tekove aña katu oporandu yvágapepa oĩ peteĩ Tupã upe ára omboyke vaekue pytu'uha ramo.”
4Ha'e kuéra he'i chupe:
—Ñandejára oikovéva, ipokatúva yvágape, ha'e voi he'i oréve rombyaje vaerãha pe ára 7ha.”
5Upépe Nicanor he'i:
—Ha ché che pokatu ko yvy ári, ha ha'e peẽme pehupi haguã pende hu'y ha pene ñe'ẽ rendu mburuvicha guasúpe.
Upéicha ramo jepe, ndaikatúi vaekue ojapo pe mba'e vaiete oipotáva.
6Nicanor, oñemomba'e guasu ha ojejapo rupi, oimo'ã omopu'ãtaha peteĩ mba'e yvate, umi mba'e oipe'átava reheve Judas ñorãirõhára kuéragui.
7Macabeo katu akói ojerovia, oha'arõ Ñandejára oipytyvõtaha chupe,
8ha ombopy'a guasu iñirũ nguérape okyhyje'ỹ haguã umi mombyryguágui, imandu'a haguã uvei opa pytyvõre, Tupãgui ohupytýma vaekue, ha oha'arõnte haguã, ko'ágã avei Ñandejára ipu'akapáva oipytyvõtaha chupe kuéra osẽ porã haguã.
9Ombopy'a guasu chupe kuéra tembiapoukapy ha maranduhára*f** kuéra ñe'ẽ reheve, omomandu'a chupe kuéra umi ñorãirõ ohasa vaekuére, ha py'a guasuvéntema oheja.
10Péicha ombopy'a guasu porã rire, he'i chupe kuéra mba'épa ojapo vaerã ha ohechauka Mba'éichapa hova mokõi umi mombyrygua opyrũva iñe'ẽ me'ẽnguére.
11Péicha ombopy'a guasuve chupe kuéra iñe'ẽ kuaápe, hu'y ha tete mo'ãha peguágui. Omombe'u avei chupe kuéra peteĩ mba'e ojererovia haguãicha ohecha vaekue iképe, ha upéva ombovy'a opavavépe.
12Upe iképe guare péicha: Pa'i guasu yma guare Onías, karai imarangatu ha ipy'a porãva, ndojejapóiva ha horýva, oporoguereko kuaáva ha imitã guive heko marã'ỹva, oipyso ijyva mokõive ha oñembo'e hína Israelgua kuérare.
13Upéi ojechauka ambue karai, hi'áva morotĩva ha heko karai guasúva. Mba'e mimbipa ombojeréva chupe, mombyry guive ohechauka ipokatuha.
14Onías oñe'ẽ ha he'i: “Kóva ha'e Jeremías, Tupã maranduhára,Ipaha
37Péicha ojehu vaekue opa mba'e Nicanor rehegua. Upete guive Jerusalén oĩ Israelgua kuéra pópe. Ha ápe che amohu'ã che mba'e ñemombe'u.
38Oĩ porã ha hendápe ramo, upéva pe che aipota vaekue. ndaha'éi ramo mba'eve, upéva peve mante ikatu ajapo.
39Naiporãiháicha ja'u kaguy térã y ha'eño, ha ñambojehe'a ramo katu he, upéicha avei peteĩ mba'e ñemombe'úpe, oñembojegua porã ramo, hyapu porã, opa henduhára apysápe. Ha péicha opa che mba'e ñemombe'u.
Who We AreWhat We EelieveWhat We Do
2025 by iamachristian.org,Inc All rights reserved.
