2 Macabeos 2 - Biblia Guaraní con Deuterocanónicos

1Kuatia kuérape oje'e Nehemías he'i hague umi ojereraha vaekuépe, ogueraha haguã pe tata rendy, oje'éma haguéicha,

2ha ome'ẽvo chupe kuéra tembiapoukapy, he'i ani haguã avave hesarái Ñandejára rembipotágui térã oñembotavyka ohechávo umi ta'ãnga rei óro ha pláta, tupã gua'u kuéra rehegua, ha umi jeguaka ojaho'íva chupe kuéra.

3Ha hetave mba'e he'i chupe kuéra, ojerurévo ani haguã ojere tembiapoukapýgui.

4Oĩ avei upe kuatiápe, maranduhára*f** Jeremías, Tupã he'i rupi chupe, oguerahauka hague Jotopa Róga ha Tupã karameguã,

9Upe kuatiápe oñemombe'u avei, Mba'éichapa Salomón, iñarandu etéva,

13Ko'ã mba'e oñemombe'u avei umi kuatia Nehemías oheja vaekuépe,Neh 8. upéi ave oñemombe'u Mba'éichapa ha'e ombyaty raka'e umi kuatia oĩháme imombe'upy mburuvicha guasu kuéra rehegua, umi kuatia ojapo vaekue umi maranduhára, umi kuatia oĩháme David salmo kuéra ha mburuvicha guasu kuéra kuatia mba'e kuave'ẽ rehegua.Esd 7.15-20.

14Upéicha avei, Judas ombyaty umi kuatia isarambipa vaekue ñorãirõ rupi, ha ko'ágã, umi kuatia umíva, oĩmba ñande pópe.

15Oimérõ peikotevẽ, pembou ogueraha vaerã peẽme.

16Roñembosako'ímagui hína rogueromandu'a haguã tupao ñemopotĩ, roguerahauka peẽme ko kuatia, rojerurévo peẽ avei peromandu'a haguã ko arete.

17Tupã oguenohẽ jejopy vaígui opa hetã guápe, ha ome'ẽ opavavépe ijyvyrã ha ñane mboyke chupe guarã,

18hembiapoukapy rupi he'i haguéicha. Upévare, jajerovia ñande poriahurerekóne haguã avei ha ñane mbyaty pe yvy oñemboykéva chupe guarãme, ñane mbyatývo opa tetã mombyry rupigui.Dt 30.3-5. Ha'e niko ñane renohẽ vaekue heta mba'e vaígui ha omopotĩ vaekue tupao.”

Ijapohare he'íva iñepyrũrã

19Jasón Cirenegua omoĩ 5 kuatiápe, Judas Macabeo ha ityvýra kuéra rehegua, tupao ñemopotĩ rehegua,2 Mac 10.1-8. ha altar ñemboyke Ñandejárape guarã,

20umi ñorãirõ ojeity vaekue mburuvicha guasu Antíoco Epífanes rehe,2 Mac 4.7—9.29. ha ta'ýra Eupátor rehe.2 Mac 10.9—13.26.

21Ha omombe'u avei Tupã ojehechauka ramo guare imimbipápe umi oñorãirõ vaekuépe kuimba'etéicha Judeagua ogueroviávare. Ha Mba'éichapa ha'e kuéra, mbovy ramo jepe, omosẽmba ko tetãgui umi ñorãirõhára mombyry guápe.

22Umíva niko oipe'a jey vaekue mombyrygua pógui tupao, herakuãva opa yvy ári. Oguenohẽ jejopy vaígui Jerusalénpe, ha omoĩ jey tembiapoukapy ojepe'apátama vaekue. Ñandejára niko ipy'a porã eterei vaekue hendive kuéra.

23Che katu añeha'ãta amombyky peteĩme pe Jasón ojapo vaekue 5 kuatiápe.

24Ahecha kuaávo heta etereiha umi mba'e oñemombe'úva, ha hasyha ojekuaa porã opa oikóva,

25añeha'ãta ajapo ho'a porã haguãicha umi ohechaségui rei ohechávape. Avei, hasy'ỹ haguã umi iñakãme oguerekopasévape, ha chugui oĩ raẽva oguenohẽ haguã iporãva.

26Chéve guarã, añeha'ã vaekue amombyky, ko tembiapo kóva heta che mbohy'ái ha nda che rejái vaekue ake,

27ku karu guasu ombosako'i vaicha ha osẽ porãséva opavave ndive. Che, ajapóvo iporã vaerã opavavépe, opa kane'õ ahasa vy'ápe.

28Ahejáta ijapohare ypykuépe tomombe'u opa mba'e oiko vaekue, che katu amombe'u mbykyvéta.

29Óga mopu'ãhápe oipy'apyháicha óga tuichakue, ha umi imomorotĩ ha imbojeguaharãme upévante, upéicha vaerã vaicha chéve che rembiapo:

30Pe mba'e mombe'uha niko ohesa'ỹijo pypuku vaerã pe omombe'úva, ohecha vaerã opa mba'e,

31ha pe mba'e mombe'u omombykýva katu, ndaha'éi ombopuku eterei vaerã, ndaha'éi omombe'upa vaerã oiko vaekue.

32Amoñepyrũta aipórõ che mba'e ñemombe'u, ambojo'ave'ỹre mba'eve umi ha'éma vaekuépe; naiporã mo'ãi niko ambopuku ko iñepyrũha ha upéi amombyky pe imombe'upy.