1 Macabeos 1 - Biblia Guaraní con Deuterocanónicos

Alejandro Magno ha umi ha'e riregua

1Alejandro, Macedoniagua, Filipo ra'y, mburuvicha guasu vaekue hína Gréciape, osẽ hetãgui,

20Ohundi rire Egíptope, ojevy hetãme, 143 añoha hína upe ramo, ha ojeity Israel rehe, oguahẽ Jerusalénpe peteĩ ñorãirõhára aty guasu ne mbaretepa jepéva reheve.

Jerusalén tupao oñemongy'a(2 Mac 5.21-26)

21Ha'énteva ramo guáicha Antíoco oike Jerusalén tupaópe ha ogueraha pe altar óro, umi tataindy renda,

22mesa oñekuave'ẽha mbujape, mbayru oje'uha kaguy ha umi mba'e jegua akã rehegua, ha oipe'a pe mba'e vera porãita ombyapéva tupao renonde.

23Ogueraha avei pe pláta, óro ha opa mba'e hepýva ojuhu vaekue iñongatupy.

24Ombyatypa umi mba'e, ohupi ha ojevy hetãme,Antíoco IV rembiapoukapy(2 Mac 6.1-11)

41Upe mburuvicha guasu oguenohẽ tembiapoukapy opa tetã ipoguýpe oguerekóvape guarã, he'íva: maymáva peteĩ tetãnteha

42ha ojeheja haguã teko jepokuaahágui.Opa tetã ojapo he'iháicha upe mburuvicha guasu,

43ha heta Israelgua ohasa Tupã reko teégui omomba'e guasu tupã gua'u, omymba juka ita'ãnga kuérape ha omongy'a hikuái Pytu'uha ára.

44Upéi ave, mburuvicha guasu omondo hembijokuái Jerusalénpe ha Judea táva kuérape, kuatia he'íva reheve, opavave opoi vaerãha hetã reko jepokuaaha yma guarégui:

45Mymbahapy, mymbajuka ha kaguy je'u ndojejapovéi vaerã tupao kuérape; umi pytu'uha ára, ha ára ojevy'aha naimarangatu véima vaerã;

46Tupao ha opa mba'e marangatu oñemongy'ánte vaerã;

47oñemopu'ã vaerã altar, hendaguã marã'ỹ ha tupao umi tupã gua'u ra'ãngápe guarã, ha ojejuka chupe kuéra kure ha opaichagua mymba ipotĩ'ỹva;

48mitã nguéra ndojeapi'ói vaerã, ha opavave omoĩ vaerã ijehe kuéra opaichagua mba'e ky'a, tie'ỹ ha mba'e vai,

49hesaráivo Tupã rembiapoukapýgui ha ndojapovéivo mba'eve imomba'e guasúvo.

50Ojapo'ỹva ko'ã mburuvicha guasu he'íva, omano vaerã.

51Ko'ãicha he'íva rehegua kuatia, upe mburuvicha guasu oguerahauka opa rupi, umi tetã ipoguy peguávape. Hi'arietegua, omoĩ imburuvicha tetãgua ári ha ojopy Judea táva kuérape oikuave'ẽ haguã mymba juka umi ta'ãngápe.

52Heta tetãgua, umi oheja vaekue Tupã rembiapoukapy, ojoaju hendive kuéra ha heta mba'e vai ojapo hikuái tetã tuichakue,

53ha Israelgua kuéra oheka mante okañy haguã.

54Ha 15ha árape, mes hérava Kislev jave, áño 145 ramo, upe mburuvicha guasu ojapouka peteĩ altar tupã gua'úpe guarã, pe altar marangatu oñemymbajukaha ári.Dn 9.27; 11.31; 12.11; Mt 24.15; Mc 13.14. Upéicha avei ojapouka umi táva Judea guápe;

55Óga kuéra rokẽme ha opa okaháre ojehapy insiénso;

56Umi kuatia Tembiapoukapy rehegua ojuhúva, omondoropa ha ohapy hikuái;

57ha oimérõ ojejuhúva oguerekoha upe kuatia Tupã Rembiapoukapy rehegua, ojejuka.

58Ha upéicha umi tekove ojeity Israelgua kuérare, mamo ojejuhuhápe, umi táva kuéra rupi.

59Ára 25 jave jepi oikuave'ẽ hikuái mymba juka, pe altar ky'a ojapo vaekuépe altar marangatu oñemymbajukaha ári.

60Sy kuéra oapi'oukáva imemby kuimba'e kuérape, he'iháicha mburuvicha guasu kuatia, ojejuka

61imitãmi ijajúri, ha ojuka avei opa hóga guápe ha oapi'oukáva guivépe imemby kuéra.

62Opáichavonte, heta vaekue Israelgua noñeme'ẽiva ha ndo'úi mba'eve ipotĩ'ỹva;

63omanoseve, oñemongy'a rangue umi tembi'u ipotĩ'ỹvape ha opyrũ pe ñe'ẽ ñome'ẽ marangatúre.Dn 1.8-16; 3.8-18. Ha omano.

64Upe ramo, heta mba'e nde vaipa jepéva ho'a Israel ári.