Jeremías 45 - Biblia Guaraní con Deuterocanónicos

Ñandejára ome'ẽ iñe'ẽ Barúcpe

1Áño irundyha oñepyrũ haguépe oisãmbyhy Judá ruvicha guasu Joaquim,2 R 24.1; 2 Cr 36.5-7; Dn 1.1-2. Josías ra'y, Nerías ra'y Baruc ohai aja upe Jeremías he'íva chupe, Jeremías he'i Barúcpe:

2-3“Nde, Baruc, ere: ‘Áina! Jeiko asy ha akã rasy mante ome'ẽ chéve Ñandejára! Che resa rasypáma che rasẽgui ha ndajuhúi pytu'u.’ Ñandejára oñe'ẽ chéve

4ha he'ika ndéve: ‘Che aity yvýre pe amopu'ã vaekue, ha ahapo'o upe añotỹ vaekue. Ha upéicha ajapóta ko yvy tuichakuére.

5Rerereko piko rejerureséva chéve? Ani rejerure, amondótagui ivaíva opa yvypóra ári. Opáichavo ahejáta reikove mamo rehohápe. Che, opa mba'e Jára, upéicha ha'e.’”