1Áño 149 ramo, oguahẽ Judas apysápe Antíoco Eupátor ohoha hína Judea gotyo, heta eterei ñorãirõhára reheve,
2ha hendive ohoha Lisias, ipytyvõhára ha tetã sãmbyhyhára,1 Mac 3.32-33; 6.17; 2 Mac 11.1. peteĩ ñorãirõhára aty Greciagua reheve, ohupytýva 110.000 yvy rupigua ha 5.300 kavaju arigua, 22 elefánte ha 300 kárro ikyséva hi'éhe apýpe.
3Ko'ãvare ojoaju Menelao, omyakã rakúva Antíocope, ndaha'éi oguenohẽ haguã jejopýgui hetã, oñemoĩ porã haguãnte.
4Ñandejára katu, mburuvicha guasu ruvicha guasu, ombopochy Antíocope upe teko aña ndive. Lisias ohechauka mburuvicha guasúpe Menelaoha pe opa mba'e vai reruha. Aipórõ, mburuvicha guasu he'i ojereraha haguã Beréape ha ojejuka haguã, upépe ojepórojukaháicha.
5Beréape oĩ peteĩ óga yvate ohupytýva 22 métro, henyhẽva tanimbúgui, ha oguerekóva hyepýpe peteĩ mba'e ijyke'ãva pe tanimbu ári.
6Oimérõ omondáva tupaópe térã tuicha hembiapo vaíva, oñemombo upépe omano haguã.
7Upéicha omano Menelao, pe teko añaite, ha noñeñotỹi,
8hembiapo vaikueta ojerureháicha. Heta mba'e vai ojapo altar rehe, hata ha itanimbu marã'ỹva. Ha upéicha ha'e tanimbúpe oho omano.
Py'a guapy Antíoco Eupátor ndive(1 Mac 6.31-63)9Mburuvicha guasu Antíoco oho vaekue pochy ñarõme ombohasa asyeteve haguã Israelgua kuérape, itúva ombohasa asy haguégui.
10Oikuaávo upéva, Judas ojerure maymávape oñembo'e haguã Ñandejárape ára ha pyhare, oipytyvõ jey haguã chupe kuéra ani haguã ojepe'a chugui kuéra tembiapoukapy, hetã ha itupao marangatu.
11Ani haguã avei Israelgua kuéra, oñepyrũva ipytuhẽmi hína, ho'a umi mombyrygua, Tupã jaheiha, pópe.
12Oñondivepa ojapo hikuái pe ha'e he'íva. Ha mbohapy ára pukukue ojerure asy Ñandejárape oiporiahurereko haguã chupe kuéra, tesay ha karu'ỹme, ombojávo isyva kuéra yvýre. Aipórõ, Judas oñe'ẽ omyakã raku haguã chupe kuéra ha he'i opavave oñembyaty haguã hendive.
13Ha oñomongeta rire umi myakãhára ndive ha'e kuéra añohápe, oho Ñandejára rérape, oha'arõ'ỹre oike Judéape Antíoco ñorãirõhára aty, ha omoĩ ipoguýpe Jerusalén.
14Ojeroviágui ko Opa Mba'e Apoharére oipytyvõtaha chupe osẽ porã haguã ñorãirõme, omyakã raku iñorãirõhára kuérape oñorãirõ haguã py'a guasúpe, omano meve, tembiapoukapýre, tupaóre, Jerusalén rehe, hetãre ha Israel reko ymáre, ha opyta táva Modín ypýpe.
15Judas ome'ẽ iñorãirõhára kuérape ojokuaa haguã ñe'ẽ he'íva: “Tupã osẽ porã”, oiporavo peteĩ atýra mitã rusu py'a guasu kuete ha ondyry pyhare mburuvicha guasu rekoháre, ojuka hikuái 2.000 ha pe elefánte tuichavéva ha hi'ári guápe.
16Ipahávo, omongyhyje ha ombotavyraipa chupe kuéra ha ojei upégui.
17Ko'ẽmba ramo guarã, opáma, pytyvõ ome'ẽ vaekue Júdaspe Ñandejára rehe ae.
18Mburuvicha guasu ohecha kuaávo umi Israelgua ipy'a guasuha, oñeha'ã ondyry katupyrýpe umi táva mbaretére.
19Oho, Israelgua kuéra táva mbarete Bet-sur gotyo, ondyry hese, oñemboguevi, ha ipahápe opyta yvýre.
20Judas oguerahauka oñekotevẽva upe táva mbaretépe,
21ha Ródoco, peteĩ ñorãirõhára Israelgua, omombe'u ra'e oikóvo opa oikuaaséva umi hese kuéra ija'e'ỹvape. Ojekuaávo, oñemyakãsã ha ojejuka.
22Mokõi jeyha mburuvicha guasu oike ñomongetápe umi Bet-Surgua ndive, oñemoĩ hikuái peteĩ ñe'ẽme ondyryve'ỹ haguã ojuehe ha ojei upégui. Upe rire ondyry Judas ha iñorãirõhára kuérare, ha upéicharõ jepe oñemboguevi.
23Upépe oikuaa Filipo, opyta vaekue tetã oisãmbyhy haguã ipore'ỹme,1 Mac 6.14-15; 55-56. opu'ã hague Antióquiape. Oñemondýigui, mburuvicha guasu ohenói Israelgua kuérape, oñemoĩ hikuái peteĩ ñe'ẽme ha ome'ẽ iñe'ẽ nombyai mo'ãiha umi mba'e hekópe ojejapóva. Upe jeiko porã jey rire, oikuave'ẽ mymbajuka*f** ha ipojera tupao ndive.
24Omoguahẽ porã Macabéope, oheja Hegemónidaspe upe ñorãirõhára ruvicha ramo upe yvýpe, Tolemaida guive Gerra peve,
25ha oho upéi Tolemáidape. Umi upéva upe táva pegua katu, ndoguerohorýiva upe ñe'ẽ ñome'ẽngue, ipochypa ha oipe'ase jey.
26Upépe Lisias oñe'ẽ ha ohechauka upe ñe'ẽ ñome'ẽ iporãha, ombopy'a guapy chupe kuéra ha oheja py'a porãme, ha upe rire oho jey Antióquiape.1 Mac 6.63. Péicha opa pe mburuvicha guasu ñendyryha ijeho jey.
Who We AreWhat We EelieveWhat We Do
2025 by iamachristian.org,Inc All rights reserved.
