1Mbohapy áño rire, Judas ha iñirũ nguéra oikuaa, Seleuco ra'y Demetrio, oñemboja hague Trípoli rembe'ýpe, ñorãirõhára aty ne mbaretéva ha peteĩ várko aty reheve,
2ha ohendu avei ojukauka rire Antíoco ha ipytyvõha Lisíaspe, omoĩ hague ipópe upe tetã.
3Aipo Alcimo, ymave pa'i guasu vaekue, oñeha'ã rangue ojei umi mombyryguágui, ha'e voi oñemongy'a, ha ohecha kuaa ndaikatu mo'ã veimaha osẽ upe mba'e ky'águi ha omba'apo jey pe altárpe.
4Oho ojuecha Demetrio ndive, amo áño 151 rupi ojopói chupe iñakã jeguakarã óro, peteĩ pindo rogue, ha olívo rakã ojepokuaáva oñeme'ẽ tupao rérape, ha nde'íri gueteri mba'eve.
5Upéi ija sapy'a chupe ojapo haguã umi hembipota tarova. Demetrio ohenói chupe umi ipytyvõhára ñembyatyhápe ha oporandu chupe mba'épa he'i ha ombosako'i hína umi Israelgua. Alcimo he'i:
6“Umi Israelgua hérava hasideo, omyakãva Judas Macabeo, oiko oporomopu'ã ha ojapo sarambi, ha ndohejái oĩ py'a guapy tetãme.
7Upévare che, oipe'a ramo jepe hikuái che hegui pe mba'e oheja vaekue chéve che ru kuéra ypykue ha ndaha'evéi pa'i guasu, aju ko'ápe mokõi mba'ére.
8Tenondete aipotágui oho porã opa mba'e mburuvicha guasúpe, ha upéi aipotágui che retãgua kuéra voi oiko porã, ko'ágã ojejuhúva jeiko asýpe, umi tekove che mandu'a hague naiñakã porãi rupi.
9Ajerure ndéve rehecha porã haguã opa ko'ã mba'e, ha rejapo opa oñekotevẽva iporã vaerã ko tetãme ha che retãgua oĩ vaietévape, reme'ẽ kuaaháicha nde py'a porã ha nde pojera rupi opavave ndive.
10Judas oikove aja pukukue ndaikatúi chéne ko tetã oiko py'a guapýpe.”
11Oñe'ẽmbávo Alcimo, umi mburuvicha guasu jerére oikóva, ndohecha porãiva Júdaspe, pya'ete oñemoĩ hikuái ombopochyve Demétriope.
12Ha'e oiporavo Nicanórpe, elefánte aty ruvicha, omoĩ chupe ñorãirõhára ruvicha ramo Judéape guarã ha omondo
13ojukávo Júdaspe ha omosarambipávo umi hendive oĩvape ha omoĩ jeývo Álcimope pa'i guasúrõ pe tupao itenondévape opa tupao yvy ariguágui.
14Umi mombyrygua Judéape oikóva okañymba vaekue okyhyjégui Júdasgui, oñembyaty hetakuére Nicanor jerére, oimo'ãvo ou porãtaha chupe kuéra Israelgua kuérape ou vaipárõ.
15Oikuaávo Nicanor Oguahẽ hague ha mba'épa ojapo umi mombyrygua, Israelgua kuéra omoĩ yvyku'i iñakãre ha oñembo'e Tupãme, oheja vaekue chupe kuéra upépe opa ára guarãma ha ojepy'apýva hetã guáre, ojechaukávo imimbipápe.
16Huvicha he'ívo chupe oho upe oĩha guive, ha oñorãirõ umi hese kuéra ija'e'ỹva ndive táva Hadásape.
17Simón, Judas ryvy, oñorãirõ hína Nicanor ndive, ha Oguahẽ rupi peichahágui umi mombyrygua oguevi'imi.
18Nicanor katu, ohecha kuaávo Judas ha iñirũ nguéra ipy'a guasuha, ha Mba'éichapa iñakã raku oñorãirõ ramo hetãre, opoi ñorãirõgui ha ohecha Mba'éichapa ikatu omyatyrõ hikuái ojoavyha.
19Aipórõ omondo Posidonio, Teodoto ha Matatíaspe oikuave'ẽ haguã py'a guapy Israelgua kuérape.
20Ohecha porã rire mba'épa Nicanor oipota, Judas omombe'u iñorãirõhára atýpe, ohecháva iporãha upe ñe'ẽ ñome'ẽ py'a guapyrã.
21Omoĩ hikuái peteĩ ára mburuvicha kuéra oñembyaty haguã ha'e kuéra año. Peteĩ kárro oñemotenonde peteĩ-teĩ ñorãirõhára atýgui ha ipype oĩ ojeguapy haguã.
22Judas omoĩ ra'e ojehecha'ỹ haguãme heta ñorãirõhára sapy'a rei umi mombyrygua omoñuhãse ramo guarã chupe kuéra. Oñomongetahápe, umi mburuvicha oguahẽ peteĩ ñe'ẽme.
23Nicanor opyta sapy'ami Jerusalénpe ha ndojapói mba'eve ivaíva. Omondopa katu umi ñorãirõhára opyta vaekue hendive.
24Opa ára oguereko ijykére Júdaspe, ho'a porãva chupe.
25He'i Júdaspe omenda ha ita'ýra haguã, ha ha'e ojapo upéicha ha oikove py'a guapýpe.
Oñepyrũ jey ñorãirõ26Alcimo katu, ohechávo Judas ha Nicanor oiko porã etereiha oñondive, oho oheka Demétriope ha he'i chupe, Nicanor ojapo vaipaha hembiapo, ha omoĩ hague Júdaspe hekoviarã, mburuvicha guasu retãre ija'e'ỹva.
27Mburuvicha guasu ipochy eterei ha oñatõi mantégui chupe pe tekove añaite, oguerahauka peteĩ kuatia Nicanórpe, he'ihápe noĩrieteha umi ha'e ojapóvare ha omyakãsã haguã Macabéope ko'agãite voi ha oguerahauka Antióquiape.
28Ohechávo upe kuatia, Nicanor opyta vai eterei, nopyrũséi iñe'ẽre ha upéi ave Judas ndojapói mba'eve ivaíva.
29Ha ndaikatúigui naiñe'ẽ rendúivo mburuvicha guasúpe, oheka Mba'éichapa ikatu ojapo upe oje'éva chupe.
30Macabeo katu ohechávo Nicanor ndahoryveiha hendive, ko'ẽre ojopyveha ha nombojeroviaveiha chupe, ha ohecha kuaávo upéva ndogueru mo'ãiha mba'eve iporãva, oñembyaty heta porã iñirũ ndive ha okañy Nicanórgui.
31Nicanor ohechávo Judas oñemotenonde porã hague hese, oho pe tupao marangatúpe, pa'i kuéra ijaty joa jave hikuái omymbajuka haguã, ha he'i chupe kuéra ome'ẽ haguã chupe Júdaspe.
32Umi pa'i he'i jo'a-jo'a Nicanórpe ha'e kuéra ndoikuaaiha moõpa oime upe ha'e ohekáva.
33Aipórõ ha'e, oipyso ijyva akatúa pe tupa gotyo, ha he'i: “Peẽ napeme'ẽi ramo chéve Judas, ahejáta yvýre ko tupao, ambyaipáta pe altar, ha hendaguépe amopu'ãta peteĩ tupao nde tuicháva tupã Bácope guarã.”
34he'ívo péicha osẽ oho. Umi pa'i ohupi ijyva yvate ha oñepyrũ ojerure asy Tupãme, opa ára oñangareko vaekue hetã guáre:
35“Nde, Tupã ore Jára, nereikotevẽiva mba'eve, reiporavo vaekue ko tupao reime haguã ore apytépe.Razís omano
37Upérõ, omoĩ vai hikuái Nicanor renondépe, aipo Razíspe, karai ojepy'apýva hetãgua kuérape iporã vaerãre, herakuã porãva opa rupi ha imba'e porãgui oñembohérava “Israelgua kuéra ru”.
38Ymavéma voi, ako oñepu'ãmba ramo, oje'éma vaekue hese oipytyvõ mbareteha Israelgua kuérape, ha hetave jevýma voi, py'a guasúpe, omoĩ ra'e hekove hesehápe kuéra.
39Nicanor, ohechauka haguã ndaija'eiha Israel guáre, omondo 500 rasa ñorãirõhára omyakãsã haguã Razíspe,
40oimo'ãgui omyakãsã ramo upe karaípe tuichaiterei ombyaitaha Israelgua kuérape.
41Nicanor ñorãirõhára kuéra oĩma hikuái pe óga mbarete oĩháme Razís, ha oñeha'ã ombyaívo oka guio pe okẽ, oje'e voi vaekue chupe kuéra ohapypa haguã, ha Razís, ojecha vai etereígui, ombojere ijehe ikyse puku.
42Omanose uvei oñemotĩ'ỹre, ho'a rangue umi tekove aña pópe ha ojahéi vai hese hikuái.
43Ha pe ñorãirõ ipya'etereígui ojavy oikutúvo hete, ha nomanói. upérõ ñorãirõhára oikepáma, ha ha'e oho meme ojupi tápia yvate ári ha oñemombo hi'ári kuéra.
44Pya'ete ojei upégui umi ñorãirõhára ha Razís ho'a yvýpe.
45Oikove gueteri hína ha pochy rendýpe, ojekutu vai ramo jepe, ojahupa ramo jepe huguýpe, opu'ã, ohasa ipa'ũ rupi kuéra, oñemoĩ peteĩ ita yvate ári,
46ha huguypa potáma, oguenohẽ hyekue okápe ha mokõive ipópe omombo umi ñorãirõhárare, ojerurévo Tupã, jeikove Járape, peteĩ árape omoingove jey haguã chupe.1 Mac 7.9—14.23. Ha péicha omano.
Who We AreWhat We EelieveWhat We Do
2025 by iamachristian.org,Inc All rights reserved.
