Tobit 2 - Biblia Guaraní con Deuterocanónicos

Tobit ndohechavéi

1Oĩ ramo guare Asarhadón mburuvicha guasúrõ, aha jey vaekue che rógape, ha oñeme'ẽ jey chéve che rembireko Ana, ha che ra'y Tobías. Rombyarete Pentekostés,*f** ojeheróva avei arete 7 Semána rehegua,

Ha upépe añepyrũ che rasẽ.

7Oguahẽvo pyhare aha, ajo'o peteĩ yvykua ha añotỹ upe che rapicha retekue.

8Che róga ykeregua kuéra opukapa che rehe ha he'i: “Akokueheve ojehekáma voi chupe ojejuka haguã, ojapo haguére ko'ã mba'e. Upérõ okañýnte. Upeichave ramo jepe ndokyhyjéi! Péina pépe, oñotỹ jeýma omano vaekue.”

9Upe pyharépe ajahu porã, asẽ ha añeno ake haguã korapy jere yvate ykére pe okápe. Che akã ndajaho'íri mbyry'áigui.

10Ndaikuaái upe korapy yvate ári oĩha guyra kuéra. Ha'e kuéra okaka che resápe ha apyta ndahechavéi. Aha pohãnohára kuéra rendápe che monguera haguã, amo ipahápe katu pohã omoĩva guive chéve ojapo vaive che rehe ha upépema ndahechavéi ete. Péicha aiko irundy áño, ahecha'ỹre mba'eve. Opa che rogagua oñembyasy che rechávo. Ajicar oñangareko che rehe mokõi áño pukukue, oho peve Elimáidape.

Tobit rembireko rembiapo

11Upe guive che rembireko Ana omba'apo, oipyaha mba'e porãita ovecha raguekuégui.

12Ha oguerahauka hembiapokue ambue hendápe ha ojehepyme'ẽ chupe upévare. Peteĩ jey ára 7, mes Distro, ojapopa hembiapo ha oguerahauka umi ojoguátavape. Ha'e kuéra ohepyme'ẽ chupe hembiapokuére, ha ome'ẽ chupe peteĩ kavara ra'y.

13Oguahẽ vove ha'e ógape, ahendu upe kavara ra'y rasẽ. Ahenói che rembirekópe ha aporandu chupe: “Moõgui piko osẽ aipo kavara ra'y? Remonda mba'e piko? Eraha jey ijárape. Ñande ndaikatúi ja'u mba'e oñemonda vaekue.”

14Ha'e he'i chéve: “Kóva ndaha'éi amonda vaekue. Oñeme'ẽnte chéve ojehepyme'ẽ rire chéve che rembiapokuére”. Che ndaroviái chupe. Jey-jey ha'e chupe ogueraha haguã ijarakuépe. Heta che pochy hendive. Upéma ramo ha'e he'i chéve: “Moõ piko opytapa umi mba'e porãita rejapo vaekue? Ko'ágã ojehecha porãiterei mba'eichaguápa nde.”