Eclesiástico 7 - Biblia Guaraní con Deuterocanónicos

Taryrýi

1Nderejapóirõ ivaíva,

noñembojára mo'ãi nde rehe.

2Rejeírõ teko joja'ỹgui,

ojeíta nde hegui.

3Ani reñemitỹ

tekojoja'ỹ yvýpe,

cháke remono'õne 7 jevyve.

4Ani rejerure

Ñandejárape

reporosãmbyhy haguã,

térã mburuvicha guasúpe

ne moĩ haguã mburuvichárõ.

5Ani reikose

ne marangatúvarõ

Ñandejára renondépe,

térã ne arandúvarõ

mburuvicha guasu renondépe.

6Ani reñekuã

mbojovakeharã,

cháke hasy hína

teko joja'ỹ jehapo'o.

Ani upeichahágui

iñuhãme nde reity

poguasu kuéra

ha tape potĩgui ne mombía.

7Ñembyaty guasúpe ani ere

rejapo hague ivaíva,

térã reñemomirĩ

tavaguára renondépe.

8Ani rembojo'a

ne angaipa,

cháke peteĩnte jepe

ndopyta rei chéne.

9Ani ere:

“Ñandejárape ombovy'áta

che mba'e kuave'ẽ nguéra”.

Arúvo chupe,

katuete oguerohorýta.

10Ani reiko ñembo'e'ỹre

ha ani nde resarái

tupãmba'e me'ẽgui.

11Ani reñembohory

ovy'a'ỹvare,

ani nde resarái oĩha

oporohupi ha oporoitýva.

12Ani rereko ne akãme

japu nde rapicháre,

ko'ýte ani rejapo

ne irũ teére.

13Ani nde japu araka'eve,

cháke upéva

mba'eve iporãva ndoguerúi.

14Ani reñe'ẽ eterei

myakãhára*f** ñembyatýpe,

ha ani rembojo'a eréva

reñembo'e jave.

15Ani reñemboyke

tembiapo pohýigui

térã kokue peguágui,

tembiapo pohýi.

Ñandejára niko

umíva omoĩ vaekue.

16Ani reiko

iñañáva apytépe,

ne mandu'áke,

Ñandejára pya'e ipochyha.

17Eñemomirĩ

nde py'aite guive,

cháke iñañávape

yso ha tata oha'arõ.

Mba'éichapa reiko vaerã opavave ndive

18Ani remyengovia

ne irũ tee virúre,

térã ne pehẽngue

óro ku'íre.

19Ani rejei kuña iñarandu

ha ipy'a porãvagui,

órogui iporãve hína ha'e.

20Ani rejopy tembiguái

omba'apo kyre'ỹva

térã mba'apohára

omba'apo porãva ndive.

21Ehayhu ne rembiguái

ikatupyrývape nde jupéicha,

ha ani rereko ñapytĩháme.

22Ne rymbárõ, ereko kuaa,

ha ne mbovirúrõ,

eñangareko hese.

23Nde ra'ýrõ, eheko mbo'e

ha ta iñe'ẽ rendu

imitã guive.

24Nde rajýrõ eñangareko

ta heko potĩ,

ha ani remokunu'ũ eterei.

25Remomendárõ nde rajy,

reipe'a nde árigui angekói,

opáichavo eme'ẽ

kuimba'e iñakã porãvape.

26Rehayhúrõ ne rembirekópe,

ani repoi chugui,

nderehayhúirõ katu

ani rejerovia hese.

27Ejapo mba'érõ nde rúpe

nde py'aite guive,

ha ani nde resarái

nde sy rembiaságui.

28Ne mandu'áke reju hague

chugui kuéra.

Mba'éichapa ikatúne

rehepyme'ẽ chupe kuéra,

opa umi mba'e

nde rehe ojapo vaekuére?

29Nde py'aite guive

erohory Ñandejárape,

ha ejapo mba'érõ

ipa'i kuérape.

30Ehayhu nde py'aite guive

nde Apoharépe,

ha ani reheja rei,

hembiporavo kuérape.

31Embyaje Ñandejárape

ha erohory ipa'i kuérape.

Eme'ẽ chupe kuéra

imba'erãva

oje'e haguéicha ndéve:

Mbujape, tóro ra'y,

mba'e kuave'ẽ*f**

oñekuave'ẽséguinte

oñekuave'ẽva,

mymbajuka*f** ojejapo vaerã,

ha mba'e me'ẽ

oñemboykéva Ñandejárape.

32Nde pojera kena

imboriahúva ndive,

ha Ñandejára nde rovasa

renyhẽ chovíta.

33Nde pojera kena

opa oikovéva ndive,

ha ani nde resarái

omano vaekuégui.

34Ani reñembojere

umi hasẽvagui,

ha emoirũ

umi ohasa asývape.

35Ani ne ate'ỹ

reñandu haguã hasývape.

Upéicharõ rejehayhúta.

36Opa mba'e rejapóvape

ne mandu'a repa vaerãha,

ha nderejapói chéne

mba'eve ivaíva.