2 Macabeos 12 - Biblia Guaraní con Deuterocanónicos

Israelgua oikóva Jópepe ojejuka

1Ojapopa rire ko'ã ñe'ẽ ñome'ẽ kuatia, Lisias oho jey mburuvicha guasu rendápe, Israelgua kuéra oiko aja hembiapo kokue reheve.

2Peteĩ atýra mburuvicha upepegua katu, Timoteo, Apolonio Geneo ra'y, Gerónimo, Demofón ha Nicanor, ñorãirõhára kuéra Chipre pegua ruvicha, ndohejái Israelgua kuérape oiko py'a guapýpe ha kyhyje'ỹre.

3Hi'arietegua, umi Jopegua ojapo peteĩ mba'e ivai etereíva Israel guáre. He'i chupe kuéra ojupi haguã, hembireko ha ta'ýra kuéra reheve umi bárcope, ohechauka'ỹre omoñuhãseha chupe kuéra.

4Osẽtagui opa tavagua, Israelgua ojupi oipotágui py'a guapy ha ndohecha kuaáigui mba'eve ivaíva. Oguahẽvo yguasu mbytépe katu, umi Jopegua oity ýpe chupe kuéra. Oĩ 200 rupi umi Israelgua omanóva.

5Oikuaávo Judas pe mba'e vai ete ojejapo vaekue hetã guáre, omomarandu iñirũ nguérape,

6ha oñembo'évo Tupãme, mbojovakehára heko jojáva, ondyry umi ipehẽngue kuéra jukaharére. Pyhare omboja tata pe yguasu rembe'y várko ojaháre, ohapypa umi várko ha ojukapa umi upépe okañy vaekuépe.

7Ohechágui táva rokẽ nguéra oñembotyha, oho ou jey haguã upéi ha ohundipa umi Jope guápe.

8Ha oikuaávo, umi táva Jabniagua ojaposeha avei upéicha Israelgua kuérare,

9pyharévo oike upe távape ha omboja tata pe várko oñembojaháre ha ohapypa várko kuéra. Tata rendy ojekuaa Jerusalén guive, 43 kilómetro mombyry.

Judas oñorãirõ Galaádpe(1 Mac 5.9-68)

10Judas ha iñorãirõhára kuéra oñemomombyry upégui peteĩ kilómetro rasami rupi, oñorãirõ haguã Timoteo ndive, ha upe jave ojeity hese kuéra 5.000 árabe yvy rupigua ha 500 kavaju arigua.

11Oñorãirõ mbarete hikuái, ha Judas ha iñorãirõhára kuéra, Ñandejára pytyvõme, osẽ porã. Umi árabe opyta yvýre, ojerure mante Júdaspe py'a guapy ha he'i ome'ẽtaha vaka Israelgua kuérape ha oipytyvõtaha chupe kuéra upe guive.

12Judas ohecha kuaa, umi árabepe ikatuha oiporu heta mba'épe, ome'ẽ upe py'a guapy ojeruréva hikuái. Upe ñe'ẽ ñome'ẽ rire, árabe kuéra ohopa hógape.

13Judas ondyry avei Caspín rehe, táva mbarete ombojerepáva tápia ha tape yvate, ha oikohápe heta tetã rupi guare.

14Umi ipypegua, ojeroviágui itápia mbaretére ha tembi'ueta oguerekóvare, iñe'ẽ guasu Judas ha iñorãirõhára kuérape, oja'o chupe kuéra ha ojahéi ky'a Tupãre.

15Judas ha iñorãirõhára kuéra oñembo'e Ñandejárape, opa mba'e Jára, mba'e ñorãirõrã'ỹre ohundi vaekue Jericó Josué oikovépe,

32Upe arete rire, oho hikuái ondyrývo Gorgias rehe, Idumea pegua ñorãirõhára ruvicha.

33Gorgias ombohovái chupe kuéra 3.000 ñorãirõhára yvy rupigua ha 400 kavaju arigua reheve.

34Ondyry hikuái ojuehe ha oĩ mimi Israelgua omanóva.

35Aipórõ, Dositeo, ñorãirõhára kavaju arigua ipy'a guasúva, Israelgua tubiáno, opo Gorgias rehe ha ombotyryry chupe ijahojágui, omyakãsã haguã omano'ỹre pe teko añáme, ha peteĩ kavaju arigua Traciagua, ojeity Dositeo rehe ha oikytĩ chugui ijyva, ha upéicha Gorgias oho okañy táva Maresápe.

36Azarías ñorãirõhára kuéra, aréma oñorãirõva hikuái, ikane'õ itereíma. Aipórõ Judas oñembo'e Ñandejárape ha ojerure chupe oñemoĩ haguã ijykére ha omohenonde chupe kuéra ñorãirõháme.

37Oñepyrũ opurahéi iñe'ẽ teépe, osapukái ñorãirõrã ha ojeity sapy'a Gorgias ñorãirõhára kuéra apytépe ha omosarambipa.

38Judas ombyaty iñorãirõhára kuéra ha osẽ oho Adulámpe. Oguahẽvo ára pytu'u ára mboyve, oñemopotĩ*f** hikuái ojepokuaaháicha ha ombyarete pytu'u ára.

39Judas irũ nguéra oho upe ára ambuépe ombyatývo umi te'õngue tekotevẽ etereímagui, ha oñotỹ hikuái hogagua kuéra tyvýpe.

40Ha umi omano vaekue ao apytépe ojuhu hikuái heta mba'e ojeporúva oñemomba'e guasu haguã tupã gua'u Jabnia peguápe, tembiapoukapy oheja'ỹva Israelgua kuérape oguereko.Dt 7.25-26. Upévo ojehecha kuaa porã mba'érepa ha'e kuéra omano.

41Maymáva omomba'e guasu Ñandejárape, mbojovakehára heko jojáva, oguenohẽva okápe umi mba'e oñemíva,

42ha ojapo hikuái peteĩ ñembo'e, ojerurévo Ñandejárape oheja reipaite haguã chupe kuéra umi mba'e vaieta ojapo vaekue. Judas, ipy'a guasu etéva, he'i opavavépe ani haguã hembiapo vaive avave, ohechámagui hikuái mba'épa ojehu umi omano vaekuépe iñangaipa rupi.

43Upéi ombyaty iñirũ nguéra apytépe, 2.000 pláta pehẽngue rupi ha oguerahauka Jerusalénpe, oñemymbajuka*f** haguã angaipáre. Ha'e ojapo peteĩ iporã ha heko jojáva, ogueroviágui omano vaekue oikove jeyha.2 Mac 7.9-14,23.

44Ha'e ndogueroviái rire umi ñorãirõhára ikatuha oikove jey, natekotevẽi vaerã mo'ã oñeñembo'e hese kuéra.

45Oikuaa porã ha ogueroviágui, umi imarangatúva omano vaekuépe oha'arõha ñembyekovia tuicháva, omymbajuka ojeheja rei haguã umi omanóvape iñangaipa.