2 Macabeos 7 - Biblia Guaraní con Deuterocanónicos

Ojejuka 7 mitã rusu isy reheve

1Umi ára umívape oñemyakãsã peteĩ sy 7 imemby reheve. Mburuvicha guasu oinupãuka chupe kuéra tukumbo ha teju ruguáipe ho'u haguã kure ro'o, oheja'ỹva Tupã rembiapoukapy.

2Peteĩva, opavave rérape, kóicha he'i: “Mba'e piko peikuaase? Roime romano haguãicha rojei rangue ore ru kuéra ypykue rembiapoukapýgui.”

3Ipochy etereígui, mburuvicha guasu omoĩka tata ári japepo guasu-guasu.

4Haku pytã vove, mburuvicha guasu he'i oñekytĩ haguã ikũ pe oñe'ẽ vaekuépe, oñeakã pire'o ha oñekytĩ haguã chugui ipy ha ipo, isy ha ityvýra kuéra renondépe.

5Ha upéicha, ipehẽnguepa, omano'ỹre gueteri, opoika pe japepo akúpe. Isarambi aja hína pe hatatĩngue, umi ambue oñombopy'a guasu ha ombopy'a guasu isýpe omano haguã hikuái okyhyje'ỹre. He'i hikuái:

6“Tupã Ñandejára oma'ẽ hína, ha añetehápe ñande poriahurereko. Upéva niko pe Moisés he'i vaekue ohova api ramo guare hetã guápe ndaheko jeroviaháigui: ‘Ñandejára oiporiahurerekóne hembiguái kuérape.’”

18Upéi ogueru hikuái pe 6hápe. Ha'e katu, omanótamarõ he'i: “Ani rejavy; ore rembiapo vaikuére rohasa ko'ã mba'e, ore angaipáre Tupã renondépe; upévare ojehu oréve ko'ã mba'e vaieta.

19Nde katu, repu'ã vaekue Tupãre, ani reimo'ã repytataha reñenupã'ỹre.”

20Tuichaitereive mba'e ha ñaromandu'a haguãicha, pe isy kuéra, ohecha vaekue imemby kuéra peteĩ-teĩ omano peteĩ araitépe, ha ogueropu'aka vaekue ojeroviágui Ñandejárare.

21Peteĩ-teĩme ombopy'a guasu, oñe'ẽvo chupe kuéra py'a porãme iñe'ẽ teépe, ha kuimba'éicha he'i imemby kuérape:

22“Ndaikuaái Mba'éichapa peẽ peiko ñepyrũ ra'e che ryépe; ndachéi pe pomoingove vaekue ha ambojoapy vaekue pende rete.

23Opa mba'e Apohare niko hína pe omoñepyrũ yvypóra ha opa mba'e oĩva. Ha'e pende poriahurereko, pene moingove jeýta ha ome'ẽ jeýta peẽme pende espíritu,Jn 11.24. peẽ niko, Tupã rembiapoukapy rehehápe pende resarái pende jehegui.”

24Antíoco oimo'ã oñembohory hese ha ojapyhy pe iñe'ẽ ojahéi ramo guáicha hese. Ohechágui pe imitãvéva ne'ĩraha omano, mburuvicha guasu oñeha'ã ombopy'a hu'ũ chupe, ome'ẽ iñe'ẽ omomba'e retávo ha ombovy'ávo, oguerekóvo chupe ijykére ha ome'ẽvo chupe hembiaporã iporãva, ojei ramo itúva kuéra ypy kuéra rekógui.

25Pe mitã rusu katu nohendúi chupe. Upémarõ mburuvicha guasu he'i isýpe oñe'ẽ haguã mitãrusúpe ani haguã omano.

26Hetaite he'i rire chupe, hasypeve ha'e he'i ohotaha oñe'ẽvo imemby ndive.

27Oñembohorývo pe mburuvicha reko añáre, ojayvy ha he'i imembýpe iñe'ẽ teépe: “Che memby, che poriahurerekomína, ko rogueraha vaekue 9 mése che ryépe, romokambu mbohapy áño pukukue, romongakuaa ha roheko mbo'e vaekue ko'ágã peve.

28Ema'ẽmína, che memby, yvate ha yvýpe, ehecha opa mba'e oĩva ipype ha eikuaa Tupã ojapo hague mba'evégui;Heb 11.3. ha upéicha avei ojapo hague yvypórape.

29Ani rekyhyje ko tekove añágui, ehechauka ndeha umi nde ryke'y kueraichagua ha emano, ikatu haguã roguereko jey che ndive, poriahurereko árape, nde ryke'y kuéra ndive.”

30Oñe'ẽ gueteri hína ha'e, ha pe mitã rusu he'i: “Mba'e piko peha'arõ? Che ndajapo mo'ãi mburuvicha guasu he'íva. Upe che ajapóva Tupã rembiapoukapýnte, Moisés ome'ẽ vaekue ore ru kuéra ypykuépe.

31Nde, mburuvicha guasu, rembohasa asýva opa Israel guápe, nerekañy mo'ãi hína Tupãgui.

32Ore niko rohasa asy ore angaipáre.

33Oime rire Tupã oikovéva ipochy sapy'ami ra'e ore ndive ore reko mbo'e haguã, oiko porã jey vaerã ore ndive.2 Mac 5.17-20; 6.12-16.

34Nde ne añavéva yvypóra apytépe, ani rejejapo eterei remopu'ãvo nde po Tupã rembiguái kuérare.

35Ne'ĩra gueteri rekañy hína Ñandejára ipu'akapáva, opa mba'e ohecháva ñembojovakégui.

36Che ryke'y kuéra, ohasa asy rire sapy'ami, oikovéma opa árape guarã, oĩháicha Tupã ñe'ẽ me'ẽme. Ndéve katu, Tupã ne nupãta ojerureháicha nde jejapo.

37Che, che ryke'y kuéraicha avei, ame'ẽ che rekove ore ru kuéra ypykue rembiapoukapýre, ha ajerure Tupãme toiporiahurereko pya'emi hetã guápe, ha mba'e vaieta ha ñenupãme ta nde jopy ere haguã, ha'e ñoiteha Tupã.

38Che ha che kuéra rohasa asy rupi, taipy'a jera pe Ipu'akapáva, hekopete oity vaekue ipochykue ore retãguáre!”

39Ipochy eterei ha ndikatu véimagui ohendu pe ñembohory, mburuvicha guasu oñemboharái vaipave hese.

40Péicha omano pe mitã rusu, ho'u'ỹre mba'e ipotĩ'ỹva*f** ojerovia itereígui Ñandejárare.

41Ipahávo, imemby kuéra rire, omano avei pe sy.

42Ko'ãva reheve amoguahẽ hu'ãme che mba'e mombe'u, tembi'u ipotĩ'ỹva rehegua ha umi mba'e vaieta ojejapo vaekue.