Salmos 43 - Biblia Guaraní con Deuterocanónicos

1Tupã,

esẽ che rehehápe.

Eñemoĩ che ykére,

ani haguã ha'a iñaña,

ijapu ha heko vaíva pópe.

2Tupã,

nde niko upe che mo'ãva.

Mba'ére piko upéicha ramo

che mboyke?

Mba'ére piko aikóta añembyasy,

ha ojopy vaíta che ndive

umi che rehe ija'e'ỹva?

3Ehesape ha emyesakã chéve

che raperã,

ikatu haguã aguahẽ

nde yvyty marangatúpe,

upe nde reikohápe.

4Aguahẽne

Tupã oñemomba'e guasuhápe,

upe che rekove ombohorýva

rendápe.

Árpa púpe aropurahéine

Tupã, che Járape.

5Mba'ére piko kóicha

che kangypa?

Mba'ére piko che py'a tarova?

Tupã rehe niko ajerovia,

chupe arohorýne.

Ha'e hína Tupã,

upe che pe'áva jejopy vaígui.