1Áño 12 jave Nabucodonosor oiko ramo mburuvicha guasúrõ Asírio kuéra ruvicha guasúrõ Nínivepe, Arfaxad vaekue médo kuéra ruvicha guasu, Ecbatánape.
2Ha'e omongora pe táva ita ñemosỹi mbyrépe. Umi ita ipe peteĩ métro imédio ha ipuku mbohapy métro. Upe tápia ijyvate 35 ha iñanambusu 25 métro.
3Umi táva rokẽ ypýpe omopu'ã óga yvate, ijyvatéva 50 métro ha pe ipyenda ipe 30 métro.
4Umi okẽ omopu'ã voi ra'e 35 métro ijyvatekue ha 20 métro, ikatu haguã ohasa ojohysýire umi iñorãirõhára.
5Umi árape, mburuvicha guasu Nabucodonosor oñorãirõ Arfaxad ndive upe ñu oĩvape Raguéspe.
6Umi oikóva yvyty rupi oñemoĩ Nabucodonosor ndive, upéicha avei umi oikóva ysyry Tigris, Éufrates ha Hidaspes rembe'ýpe, ha umi oikóva Arioc, Elam pegua mburuvicha guasu yvýpe. Ha upéicha, heta iterei tetã oñomoirũ oñemoĩ haguã umi Queleúd ñemoñare kuérare.
7Asiria ruvicha guasu Nabucodonosor ohenoika opa umi oikóva Pérsiape ha umi oikóva kuarahy reike gotyo: Cilicia, Damasco, Líbano ha Antilíbano pegua, umi oikóva y rembe'y rupi,
8opa umi oikóva Carmélope, Galaad, Galiléa yvatévo, Esdrelón guápe,
9Samaría ha itáva kueraguápe, umi oikóva Jordán mboypýri, Jerusalén, Batané, Quelús ha Cadés, ysyry Egipto mboypýri, Tafnes, Ramsés ha Gosénpe,
10Tanis ha Menfis yvatévo gotyove peve ha opa oikóva Egíptope, Etiopía peve.
11Opa ko'ãva noñemoĩséi Nabucodonosor ykére ñorãirõrã, ndokyhyjéigui chugui. He'i hikuái ha'e ndaha'eiha kuimba'e ikatutaha jajeko. Upévare opa ko'ã tetã oapo'i umi ñe'ẽ rerahahárape ha omondo chupe kuéra po nandi.
12Nabucodonosor ipochy eterei ko'ã tetã ndive ha ome'ẽ iñe'ẽ omyengoviataha mba'e ivaívape Cilicia, Damasco ha Síriape. Upéicha avei he'i ojapotaha moabíta ha amoníta kuérare, opa umi Judea ha Egipto guáre, umi mokõi yguasu rembe'y peve.
Arfaxad ojejuka13Áño 17 ramo Nabucodonosor oñorãirõ Arfaxad ndive, ipu'aka hese ha omboguevi umi iñorãirõhára kuérape, oúva kavaju ári ha kárrope,
14oñemomba'e itáva kuérare, oguahẽ Ecbatana peve, oñemomba'e hóga yvate kuérare, ombyaipa oĩva guive ipype ha ohundi upe táva iporãite vaekue.
15Ohupyty Arfaxádpe Ragues yvytýpe, upépe oikutu chupe ikyse pukúpe ha ojuka.
16Upéi ojevy iñorãirõhára kuéra ha umi hendive oñemoirũ vaekue ndive. Opytapa hikuái upépe, opytu'u ha ovy'a, 4 mése pukukue.
Who We AreWhat We EelieveWhat We Do
2025 by iamachristian.org,Inc All rights reserved.
