Eclesiástico 9 - Biblia Guaraní con Deuterocanónicos

1Ani ne rakate'ỹ vai

ne rembirekóre,

ndereipotaírõ nde apo'i.

2Ani reñeme'ẽmbaite

ne rembirekópe,

ndereipotáirõ

nde rereko ipoguýpe.

3Ani reñemoaguĩ

ambue rembirekóre

nde re'aséi ramo

iñuhãme.

4Ani reñemongeta ñemi

kuña opurahéi kuaáva ndive

ndereipotáirõ

neapytĩ ijehe.

5Ani remañaite

peteĩ mitã kuñáre

aníntemo reiko hendive,

ha upéi rehepyme'ẽ vaerã

upévare.

6Ani reiko kuña vai ndive

neremombopaséirõ rerekóva.

7Remañaitérõ hese

ne akã tavýne,

ha hógape rehórõ,

reñehundíne.

8Eipe'a ne resa

kuña porãgui

ani remaña iporãnguére,

ndaha'éiva ne mba'e.

Kuñáre heta oĩ okái vaekue,

imborayhu ohapy tatáicha.

9Ani rekaru

kuña omendáva ndive

ha ani re'u kaguy hendive,

ani mo'ãnte ne myakã vai

ha rehundi hese nde rekove.Kuimba'e kuéra

10Ani reheja rei

ne irũ tujápe,

ipyahúva

nombojoja mo'ãi chupe.

Irũ ipyahúva

ojogua kaguy pyahúpe,

tekotevẽ ituja raẽ

iporã haguã.

11Ani iñañávaicha reikose,

ndereikuáigui

araka'épa hi'ára guahẽta.

12Ani resẽ porãse

Ñandejárape

oguerovia'ỹvaicha,

ne mandu'áke,

ojepopypaitetaha hendive

omanoha ára.

13Eñemomombyrýke

umi ikatúvagui oporojuka,

ha nderekyhyje mo'ãi

manógui, rejárõ ijypýpe

ani rejahéi hese

cháke nde jukáne,

emañáke reguataha hína

ñuhã pa'ũme ha reikoha

rejejuka haguã rupi.

14Ikatúrõ,

ejehu nde rapichápe

ha ehendu iñarandúva ñe'ẽ.

15Emombe'u nde py'apy

iñakã porãvape,

ha eñemongeta

upe Yvatetegua

rembiapoukapýre.

16Eguapy ekaru

kuimba'e joheipyre ndive,

ha tojehecha kuaa

rembyajeha Ñandejárape.

17Ikatupyrýva ojererohory

ipo rembiapokuére,

ha myakãhára, he'ívare,

ohechauka iñaranduha.

18Oñe'ẽmba reívagui

rekyhyje vaerã,

ijurúpe,

marandu porã jepe ojeharu.