Eclesiástico 48 - Biblia Guaraní con Deuterocanónicos

1Upéi opu'ã

maranduhára*f** Elías tatáicha,

iñe'ẽ ohapy tata rendýicha.

2Ha'e ogueru hi'ári kuéra

ñembyahýi,

ha ipochýgui

omombovy chupe kuéra.

3Iñe'ẽ rupi

Ñandejára nomongyvéi,

ha mbohapy jevy

omboguejy tata yvágagui.

4Ajépa

nde tuichaite vaekue, Elías,

ne rembiapópe!

Mávapa ikatúta he'i

ne mbojoja hague?

5Nde remombáy vaekue,

peteĩ tetekue

ha omanóva retãgui

reru jey vaekue,

upe Yvatetegua ñe'ẽ rupi,

6remongúi vaekue

mburuvicha guasu kuérape,

ha poguasu kuérape

reity vaekue hupágui.

7Rehendu vaekue Sinaípe

jeja'o,

ha Horébpe ñenupã oútava.

8Remoingo vaekue

mburuvicha guasu kuéra,

omyengovia haguã

heko ahẽvape iñañanguére,

ha maranduhára*f**

opyta haguã ne rendaguépe.

9Yvytu ratã tata guiguáva

nde reraha yvate

kárro tatápe.

10Nde rehe ojehai vaekue

reimeha reju jey haguãicha

rembovevyivévo

Ñandejára pochykue,

oguahẽ mboyve hi'ára,

remoingo porã haguã

túva ha ta'ýra oñondive

remyatyrõ jey haguã

Israel retã.

11Ovy'aite vaerãpa

umi nde recháva omano mboyve

ha ko'yteve nde, reikovéva!Eliseo

12Elíaspe ogueroveve vaekue

yvytu tata, ha ijespíritu

Eliséope opyta

mbohapýgui mokõi.

Ha'e oikove aja

ndaipóri vaekue mburuvicha

oguerekóva chupe

ápe ha pépe,

ha ndaipóri hese ipu'akáva.

13Ndaipóri chupe guarã

mba'eve ikatu'ỹva,

ityvy guive jepe

ojapo techapyrã.

14Mba'e hechapyrãva

oikove aja ha'e ojapo,

ha omano rire

mba'e ñaimo'ã'ỹva.

15Ha péicharõ jepe

hetãgua kuéra

nombyasýi heko vai

ha hembiapo vaígui ndopoíri,

ojereraha peve hetãgui

ha oñemosarambi opa rupi.

16Peteĩ aty'imínte opyta,

peteĩ mburuvicha guasu

David ñemoñaréva ndive.

Oĩ ijapytépe

mburuvicha guasu joheipyre,

ambue kuéra katu

mba'e vai apoha meme.

17Ezequías

omombarete itáva,

omoguahẽ y hyepy peve,

vrónsepe ombokua ita guasu

ha ojapouka yno'õrã.

18Ha'e oisãmbyhy aja,

Senaquerib ondyry hese,

omondo henonderã Rabsaqués,

oñemomba'ese mo'ã vaekue

táva Sión rehe, ha ojejapóvo

Ñandejára renondépe,

oñe'ẽ vai hese.

19Tavagua kuéra oryrýi

osusũ kyhyje ha ñembyasýgui,

kuña imemby potávaicha.

20Ohenói hikuái

Tupã Yvatete guápe,

chupe ipo omopu'ãvo.

Ha'e ohendu iñembo'e

ha oguenohẽ chupe kuéra

ivaívagui Isaías rupive.

21Oinupã

Asírio kuéra rekoha,

ha Tupã remimbou*f** ojukapa

chupe kuéra.

22Ezequías ojapo haguére

Ñandejára rembipota

ha oiko haguére

itúva ypykue David

rapykuere rupi,

he'i haguéicha chupe

maranduhára Isaías,

omombe'úva Ñandejára ñe'ẽ

añeteguáva.

23Ezequías oisãmbyhy aja

kuarahy omýi hapykuévo,

ombopukuve haguã hekove.

24Espíritu pokatu rupi,

ohecha umi ára paha

ha ombovy'a jey

Sión pegua ovy'ave'ỹvape.

25Omombe'u

umi mba'e ojehu vaerã

ára paha peve,

ha oikuaauka ojehu mboyve

umi mba'e oikótava.