1Holofernes he'i hembiguái kuérape ogueraha haguã Judítpe oĩháme umi hembiporu pláta guigua ha oñeme'ẽ chupe hi'upyrã ha kaguy imba'évagui.
2Judit he'i chupe:
—Nda'u mo'ãi mba'eve ne mba'évagui, ani haguã ajapo ajapo'ỹ vaerã.Dn 1.8; Est 4.17. Che voi aru ha'u vaerã.
3Holofernes he'i chupe:
—Ha opávo ndehegui re'u vaerã piko moõgui rome'ẽta ndéve peichagua? Ndaipóri ore apytépe peteĩnte jepe ne retãguáva.
4Judit he'i chupe:
—Ani rejepy'apy, che ruvicha. Ndopa mo'ãi ha'u vaerã Ñandejára ojapo mboyve, che rupi, upe ojaposéva!
5Holofernes rembiguái kuéra ogueraha chupe oketahápe, ha ha'e oke pyhare pyte peve. Upéi opu'ã ko'ẽ mboyve
6ha he'ika Holoférnespe kóicha: “Ere ne rembiguái kuérape ta che reja asẽ añembo'e haguã.”
7Holofernes he'i iñorãirõhára kuérape oheja haguã chupe oho.
Péicha Judit opyta upépe mbohapy ára pukukue. Pyhare vove osẽ Betulia ñúme ha ojahu pe yvúpe oĩva upépe.
8Pe ýgui osẽ vove ojerure Tupã Israel Járape ohechaukami haguã chupe mba'éichapa ikatúta oguenohẽ hetã jejopy vaígui.
9Upéi, ipotĩ*f** rire, oho jey pe ha'e opytahápe ha ka'aruetévo ojegueru chupe ho'u vaerã.
Judit oho Holofernes karu guasuhápe10Irundyha árape, Holofernes, ojapo peteĩ karu guasu mburuvicha kuérape guarã añoite, ambue hembiguái kuéra katu ndaipóri upépe.
11He'i ijeroviaha Bagóaspe:
—Tereho ha eñeha'ã egueru pe hebréa nde reñangarekoha, tou tokaru ha to'u kaguy ñane ndive.
12Atĩete vaerã niko aheja ramo oho peichagua kuña aiko'ỹre hendive. Namongetáirõ chupe niko opukáta che rehe.
13Bagoas oho Judit rendápe ha he'i chupe:
—Nde, kuñataĩ porãite, ani ere nderehoseiha che ruvicha rendápe. Tuicha ha'e ne momba'éta ha ja'úta kaguy oñondive ha javy'áta. Reikóta kuña Asiria kuéra oikoháicha Nabucodonosor róga guasúpe.
14Judit he'i chupe:
—Ha máva piko che ajapo'ỹ haguã che ruvicha oipotáva? Oimeraẽ mba'e ha'e oipotáva ajapóta vy'apópe. Upéva hína pe mba'e tuichavéva ojehúva chéve che rekovépe.
15Opu'ã ha omonde ijao iporãvéva ha omoĩ imba'ejegua. Hembiguái oñemotenonde ha, Holofernes renondépe, oipyso yvýpe Judit oguapy haguã okaru, umi ovecha pire ome'ẽ vaekue chupe Bagoas oiporu haguã.
16Oike Judit ha oguapy. Holofernes oñandu kuaa iñakã vaiha hese ha oguerekoseha imba'erã. Ohecha ypy guive oha'arõ vaekue omongeta haguã chupe.
17Holofernes he'i chupe:
—He'u kaguy ha evy'a ore ndive!
18Judit he'i chupe:
—Ha'úta, kóva hína pe ára tuichavéva che rekovépe.
19Ha ho'u kaguy, Holofernes renondépe, ha umi hi'upyrã ome'ẽvagui chupe hembiguái.
20Holofernes, iñakã vaietéva hína hese, ho'u kaguy araka'eve ojapo haguéicha hekovépe.
Who We AreWhat We EelieveWhat We Do
2025 by iamachristian.org,Inc All rights reserved.
