1Mes peteĩha oñepyrũrõ, áño 11hápe, Ñandejára he'i chéve:
14Ajapóta chugui
peteĩ ita perõ
oñemoĩha pyaha ikã haguã,
ha nopu'ã mo'ã véima
araka'eve.”
Che, opa mba'e Jára,
añe'ẽma.
15Che, opa mba'e Jára, ha'e Tírope: “Umi tetã yguasu pegua oryrýita ohendúvo nde je'a ryapu, umi ojekutupáva py'ambu ha ojejukáva pa'ũme.
16Umi mburuvicha guasu yguasu pegua oguejýta oguapyhágui ha oipe'áta ijao kuéra ojeguapáva ha okyhyjepa guasúgui oguapýta hikuái yvýpe, oryrýi osusũ ha oñemondyipáta nde rechávo.
17Upérõ oje'éne ndéve guarã ko purahéi jahe'o:
Mba'eichaite pevépa
reñehundi,
mba'eichaite pevépa
reñapymi y guasúpe,
nde, táva guasu
ne rerakuã mombyrýva!
Nde pypegua reheve,
ne mbarete vaekue
yguasu ári
ha reporomongyhyje vaekue
opa henda rupi!
18Ko'ágã re'ámava,
tetã nguéra yguasu pegua
oryrýi kyhyjégui,
ko'ágã reikopámava hese,
umi tetã yguasu mbyte pegua
oñemondyipáma.”
19Che, opa mba'e Jára, ha'égui kóicha: “Rohejáta yvýre, umi táva guasúicha, avave oiko'ỹha. Ahejáta nde aho'i yguasu,
20ha tereñapymi oimehápe umi omano vaekue, oimehápe umi oikove vaekue yma. Roitýta yvykua hypyvehápe, ku ñehundipave'ỹ retãme ha reikóta umi omano vaekue apytépe. Ndaipóri mo'ã véima oikóva nde pype, ha nereñemopu'ã jey mo'ã véima ko yvy ojeikohápe.
21Ajapóta nde hegui peteĩ mba'e nde vaíva ha ndereikove mo'ã véima. Rejehekáta ha araka'evéma nderejejuhu mo'ãvéi.”Ap 18.21. Che, opa mba'e Jára, ha'e upeichaha.
Who We AreWhat We EelieveWhat We Do
2025 by iamachristian.org,Inc All rights reserved.
