Joel 4 - Biblia Guaraní con Deuterocanónicos

1Ñandejára he'i:

“Upe ára oguahẽvo,

Judá ha Jerusalén

amoingo porã jeýta

ymave guaréicha.

2Ambyatýta opa tetã,

araháta Josafat ñúme,

ha upépe ambojovakéta

chupe kuéra,

che retã Israélre

ojapo vaekuére.

Ha'e kuéra hína

umi Israel guápe

omosarambi vaekue

opa rupi yvy jerekuévo,

ha oñomboja'o vaekue

che retãre,

3oitývo hese po'a,

ha ome'ẽ vaekue hepýre

mitã kuimba'e

ha mitãkuña kuéra.

Hepykue rehe ho'u kaguy

ha oiko kuña reko vai ndive.

Ñandejára ombojovake tetã nguéra

4“Mba'épa peipota che hegui, Tiro, Sidón

Ha ikangýva te'i:

“Che, che mbarete!”

11Peẽ tetã

umi jere rupi peiméva,

pya'e peju peñembyaty.

Ore Jára

ne ñorãirõhára kuérape

ere toguejy.

12Peñembyaty tetã nguéra,

Josafat ñúme tapeho.

Upépe Ñandejára

ombojovakéta opa tetãme.

13Peikytĩ umívape,

iñaña itereígui,

trígo aju rakãicha,

oguahẽ ramo guáicha

ñemono'õha ára.

Peñami parral'áicha,

oĩma ramo guáicha

kaguy ojejapo haguã,

hyru rembére

tahenyhẽ ha toñehẽ.

14Heta eterei

umi oĩva ñúme, hérava:

“Toiko upe oje'éva”.

Hi'aguĩma hína upépe

Ñandejára ára.

15Kuarahy ha jasy iñypytũ,

mbyjaita nomimbivéi.

16Ñandejára

okororõ yvyty Sión guive,

ohenduka iñe'ẽ

Jerusalén guive,

ha yvága ha yvy oryryipa.

Ñandejára

omo'ã hetã guápe,

oñangareko Israel guáre.

Tupã ohovasáta hetã guápe

17Peẽ pehecha kuaáta,

che, Tupã pende Jára,

aikoha Sión

che yvyty marangatúpe.

Jerusalén, táva marangatúta.

Araka'eve noĩ mo'ã véima

ambue tetãgua po guýpe.

18Upe árape kaguy ha kamby

ýicha osyrýta umi yvytýre.

Judá pegua ysyry kuéra

hi'y hetáta,

ha che tupaógui osẽta yvu

omohe'õtava

upe ñu Sitim pegua.

19Tapéicha Egipto opytáta

ha Edómgui oikóta

yvy ojeiko'ỹha.

Upépe ondyry

haguére Judagua rehe

ha imarangatúva

ruguy oñohẽ.

20-21Umíva manongue

amyengoviáta,

ijapoharépe

ndaheja rei mo'ãi.

Judá ha Jerusalénpe

ojeikóta opa ára,

ha che, opa mba'e Jára,

aikóta yvyty Siónpe.”