1Holofernes he'i Judítpe:
—Ani rekyhyje. Ejerovia che rehe! Che ndajapóiva mba'eve ivaíva umi Nabucodonosor po guýpe oñemoĩsévare, ha'e niko hína mburuvicha guasu opa ko yvy ári.
2Ne pehẽngue kuéra, oikóva upe yvytýpe, nda che apo'íri rire nañemoĩ mo'ãi kuri hese kuéra ñorãirõme. Ha'e kuérante ogueru kóva hi'ári.
3Ere chéve ko'ágã: Mba'ére rekañy chugui kuéra ha reju che rendápe? Reju haguére ko'ápe neremano mo'ãi.
4Avave ndopoko mo'ãi nde rehe. Rejerereko porãta, ojererekoháicha opa umi oñemoĩvape mburuvicha guasu Nabucodonosor po guýpe.
5Judit he'i chupe:
—Che ruvicha, ko pyharépe nda che japu mo'ãi ndéve. Ehendu ko'ã ha'étava ndéve.
6Rejapo ramo ha'éva guive ndéve, Tupã nepytyvõta, ha ndoheja mo'ãi osẽ vai mba'eve rejapóva.
7Nabucodonosor rekove ha ipokatúre ha'e ndéve. Ha'e niko hína mburuvicha guasu opa ko yvy ári. Ha'e ne mbou remoĩ porã haguã oñondive opavavépe. Nde rupi ndaha'éi yvypóra año oñemoĩva mburuvicha guasu po guýpe, nde pu'aka rupi avei mymba ha guyra kuéra oñemoĩta Nabucodonosor ha iñemoñare kuéra po guýpe.Jer 27.6; Dn 2.38.
8Ore rohendu mba'éichapa Nde nde katupyry ha ne arandu. Ko yvy ári, opa rupi ojekuaa ndeha kuimba'e imbaretevéva ha iñarandúva ñorãirõme, ndaiporiha ne mbojojáva.
9Ore roikuaa mba'épa he'i Aquior peñembyatypa ramo guare.Jdt 5.5-21. Umi Betuliagua oipytyvõ chupe ha'e ojehecha vai ramo, ha ha'e voi omombe'u mba'e mba'épa he'i ne renondépe.
10Che jára, ani kena remboyke pe iñe'ẽ. Añetegua niko pe he'íva. Ore táva ndo'a mo'ãi nde po guýpe, na nde pu'aka mo'ãi ore rehe noiméi rire iñangaipa Tupã renondépe.
11Ko'ágã katu nde neresẽ vai mo'ãi. Ha'e kuérante osẽ vai ha oñehundíta iñangaipa haguére ha ombopochy haguére Tupãme.
12Opáma ohóvo chugui kuéra hi'upyrã ha y avei. Oñepyrũma hikuái opoko hymba kuérare ha umi mba'e Tupã rembiapoukapy he'ívare ndoje'úi vaerãha.
13Avei he'íma hikuái ho'utaha trígo tenondere, upe kaguy ha ñandyry oñemboyke vaekue pa'i kuérape guarã,Ex 23.19; Lv 27.30. omba'apóva Tupã renondépe Jerusalénpe. Umíva umi mba'ére avave ndaikatúi opokónte jepe.
14Oĩ ohóva Jerusalénpe oporandu haguã myakãhára*f** kuérape upépepa ikatúpa ha'e kuéra ojapo avei ojejapo haguéicha ko'ápe.
15Oguahẽ vove chupe kuéra ñe'ẽ ikatuha ojapo umi mba'e, upe araitépe Tupã ipochýta ha omoĩta chupe kuéra nde pópe, rehundi haguã.
16Upévare, aikuaávo ko'ã mba'e, akañy chugui kuéra. Tupã che mbou ne rendápe ajapo haguã mba'e rechapyrã ohecha ramótava opavave ko yvy ári ohendu vove.
17Che niko hína kuña marangatu omomba'e guasúva Tupãme, pyhare ha ára. Che apytáta ne ndive, ha pyhare vove, aháta jepi ñúme añembo'e haguã Tupãme. Ha'e he'íta chéve Israelgua kuéra iñangaipa vove.
18Upéi ajúta ha amombe'u ndéve. Upépe ae ikatúta resẽ ne ñorãirõhára kuéra ndive ha avavete ha'e kuérava ndaikatu mo'ãi oñemoĩ nde rehe.
19Upéi rogueraháta Judea rupi Jerusalén peve, ha upe táva mbytépe reguapýta mburuvicha ramo. Umi upépe guápe reisãmbyhýta ovecha ijara'ỹvaicha, ha ndaipóri mo'ãi peteĩ jaguánte jepe oñarõva nde rehe. Tupã he'i chéve ko'ã mba'e ha che mbou ne rendápe, ndéve amombe'u haguã.
20Judit he'íva ho'a porã Holofernes ha ipytyvõhára kuérape. Ohecha ramóva hikuái iñarandu ha imba'e kuaa, ha he'i:
21—Ndaipóri ko yvy ári kuña ikatúva oñembojoja hese porã ha mba'e kuaápe.
22Ha Holofernes he'i chupe:
—Ojapo porã Tupã ne mboúvo ne retã renonderã ikatu haguã ore pu'aka ha rohundi umi ojapo'i vaekuépe ore ruvichápe.
23Ne porã rasa ha reñe'ẽ kuaa. Rejapo ramo upe eréva, ne Tupã ha'éta che Tupã, ha reikóta mburuvicha Nabucodonosor róga guasúpe, ha opa ko yvy ári ne rerakuã porãta.
Who We AreWhat We EelieveWhat We Do
2025 by iamachristian.org,Inc All rights reserved.
