Sabiduría 6 - Biblia Guaraní con Deuterocanónicos

Mburuvicha guasu kuéra oheka vaerã arandu

1Pehendu,

mburuvicha guasu kuéra

ha peikuaa!

Peikuaáke myakãhára,

yvy tuichakue!

2Pema'ẽke, peẽ,

peisãmbyhýva hetápe,

ha pejejapóva

umi tetã pende

po guýpe oĩvare.

3Pokatu ou peẽme

Ñandejáragui,

ha pe Yvateteguágui

pu'aka,

Pene rembiapokue

ha'e oipyguaráne

oikuaa haguã

mba'érepa pejapo

ha mba'épa pejaposeve.

4Peẽ, hembijokuái,

ndapeporosãmbyhýi vaekue

hekópe,

ndapejapói mba'evérõ

hembiapoukapy,

ha ndapejapói

ha'e oipotaháicha.

5Peichahágui Ñandejára

ojeitýta pende ári

pochy guasúpe,

poguasu kuérape oha'arõgui

ñembojovake ipohýiva.

6Oiporiahurerekógui

oheja rei imirĩvape,

ipoguasúva ndive katu

ojopy vaerã.

7Tupã opa mba'e Jára

ndoguevíri avavégui,

ha ipoguasúva

nomongyhyjéi chupe:

ha'e ojapo michĩva

ha tuichávape,

ha peteĩcha

oñangareko hese kuéra.

8Umi poguasu katu

oñembojovake

pohýi vaerã.

9Mburuvicha guasu kuéra,

peẽme amondo che ñe'ẽ,

peikuaa haguã arandu

ha ani pe'a jejavýpe.

10Tupã rembiapoukapy,

ojapóva ojererekóta

imarangatúva ramo,

ha umi ipype

ojeheko mbo'éva

ipype avei ojuhúne

pytyvõ.

11Pehendúke, aipórõ,

che ñe'ẽ, peikumby

ha pejeheko mbo'éne.

12Arandu overa hendy

ha araka'eve ndoguéi:

umi chupe ohayhúvape

oheja oma'ẽ hese,

ha ojejuhuka

umi chupe ohekávape.

13Umi ipotahápe

ha'e voi ojekuaauka.

14Opáy voíva hesehápe,

naikane'õi:

ojuhúne oguapy hokẽme.

15Ñañamindu'u hese,

he'ise jaiko kuaa,

ha iko'ẽmbáva hese

ndaipy'a tarovái.

16Arandu oheka opa rupi

umi chupe ohayhúva,

ojechauka chupe kuéra

tapépe torypápe

ha oĩ opa hemiandu kuérape.

17Arandu ñepyrũ hína

teko mbo'e rayhu

ha umi ojeheko mbo'eséva,

he'ise ohayhuha chupe,

18jahayhu he'ise

jajapo hembiapoukapy,

ha upéva jejapo

he'ise mano'ỹ,

19ha mano'ỹ

ñane mo'ãgui Ñandejáragui.

20Upéicha, arandu rayhu

omoĩ ñande pópe tetã sã.

21Peẽ, tetã sãmbyhyhára,

pehayhu ramo pende guapyha,

pemotenonde arandu,

ha peisãmbyhýne opa ára.

22Ha pe arandu piko mba'e

ha moõgui ou?

Che amombe'úta peẽme,

amokañy'ỹre mba'eve,

iñepyrũite guive,

amyesakãta imba'e kuaa,

asẽ'ỹre añeteguágui.

23Mba'e pota vai

na che moirũi chéne tapére,

upéva arandúre ndojehe'ái.

24Iñarandúva hetárõ

opa rupi oñesẽne

jejopy vaígui,

ha mburuvicha guasu

iñarandúva

oisãmbyhy porãne.

25Upévare

pehendu che remimbo'e,

ha oho porãne peẽme.