Eclesiástico 11 - Biblia Guaraní con Deuterocanónicos

Ani rerovia rehechávante

1Arandu ombojerovia ijehe

imirĩvape,

ha omboguapy chupe

poguasu apytépe.

2Ani remboaguara

avavépe iporãgui

ha reapo'i ivaígui.

3Ovevéva apytépe

michĩ hína pe káva,

ha ijeíragui he'ẽvéva,

ndaipóri mba'eve.

4Ani rejejapo

nde ao porãgui,

térã rejererovu

oho porãgui ndéve,

Ñandejára niko

ojapo hechapyrãva,

yvypóra

ikatu'ỹva oikuaa.

5Heta mboriahu oiko vaekue

mburuvicha guasúrõ

ha oĩ ojeapo'íva

ojupi vaekue

tetã sãmbyhyhárõ.

6Heta imbaretéva

oñemona vaekue yvýre

ha heta ipoguasúva

ho'a vaekue ambue poguýpe.

7Ani rekaguai avavére

reikuaa porã mboyve

hembiapokue,

eikuaa porã raẽ

ha upéi eporoja'o.

8Ani ere ne remiandu

reporohendu mboyve,

ha ani reporoñe'ẽ joko.

9Ani reñoñe'ẽ api

ndéve ou ha oho'ỹvare,

ha ani reike

ojohova apihápe

iñangaipáva.

10Che ra'y, ani rejapose

heta iterei mba'e,

cháke neresẽ

porãi chéne.

Reikesérõ

heta mba'épe,

nderehupytýi chéne,

ha resẽsérõ

ndaikatúi chéne.

11Oĩ oiko pya'e,

hy'ái ha ikane'õva,

ha opaichavérõ itapykue.

12Oĩ imboriahu

ha oikomínteva,

ikangy ha mba'eve

oguereko'ỹva.

Ñandejára katu oma'ẽ hese

ha hekotevẽ vaígui

oguenohẽ chupe.

13Omyakã rapu'ã

ha ohupi chupe,

ha heta oĩ hese ijurujáiva.

14Iporã ha ivaíva,

jeikove ha ñemano,

mba'ereko

20Che ra'y,

ejapo rejapo vaerã

ha eñemohatã upépe,

tove ta nde tuja

ne rembiapópe.

21Ani rehecha ramo

iñañáva rembiapo,

ejerovia Ñandejárare

ha ejetu'u ne rembiapóre.

Chupe guarã ndahasýi

ojapóvo mboriayhúgui

mba'eta rerekoha

peteĩ tesa pirĩme.

22Ipy'a porãvape

Ñandejára omyengovia

ohovasávo,

ha peteĩ tesa pirĩme

ombopoty ijehovasa.

23Ani ere:

“Mba'eve naikotevẽi,

arekóma aipotáva.”

24Ani ere:

“Arekóma aikotevẽva.

Mba'eve ivaíva

chéve ndojehúi chéne.”

25Ho'a porãrõ ñandéve,

ivaívagui ñande resarái,

ho'a vai ramo katu,

iporãvagui ñande resarái.

26Ñandejárape ndahasýi

omyengovia haguã

peteĩ-teĩme omanóvo

hembiapokue ojerureháicha.

27Ivaipárõ hína,

ñande resarái vy'águi.

Ha mba'eichaguápa

pe máva rembiapokue,

ojekuaa opávo hekove.

28Ani ere avavére ovy'aha

omano mboyve.

Oguahẽvo ipahápe ae,

pe máva ojekuaáta.

Emaña reñemoirũ haguã

29Ani reraha oime raẽvape

nde rógape,

cháke ipo karẽva

heta ñuhã oguereko.

30Ojejapóva py'a

ha'ete ku guyra

oñembotýva guyra rógape,

ku aguara ho'uséva ryguasu.

31Oñe'ẽ reíva

ojapo iporãvagui ivaíva,

ha omyasãi japu

umi nde rayhúva apytépe.

32Peteĩ tata piriri

omyendy heta tatapỹi,

ha peteĩ tekove aña

oporohape ra'arõ

oporojuka haguã.

33Eñeñangarekóke

mba'e vai apohágui,

cháke chugui osẽ

heta mba'e vai,

ha ne mongy'áne

opa árape guarã.

34Remoguahẽrõ nde rógape

mbohupa ramo mombyry guápe,

nde reraháne tape karẽre,

ha reikóne mombyryguárõ

nde róga guápe guarã.