1Simón oikuaa, Trifón oñembosako'iha ojeitývo Judéare peteĩ ñorãirõháta aty nde tuicháva reheve, ohundi haguã.
2Ohechávo, umi tavagua oñemondýi ha okyhyjepaha, oho Jerusalénpe oporombyaty
3ha he'i opavavépe: “Peẽ peikuaa, che ha che pehẽngue kuéra, ha opa che rogagua rojapo vaekue tembiapoukapy ha tupao rehehápe, umi ñorãirõ ha opa teko asy rohasa vaekue.
4Israel rehe omano che pehẽngue kuéra, ha che añoite apyta.
5Ko'ágã aníke peimo'ã che amo'ãseha che rekove, ko ivai jave: che nda che tuichavéi che pehẽngue kuéragui!
6Añorãirõ katu che retãguáre, ñande tupaóre ha pene rembireko ha pene ñemoñare kuérare, umi mombyrygua niko oñembyaty ñane rundipa haguã.”
7Ohendúvo Simón ñe'ẽ, Israelgua kuéra iñakã rakupa,
8ha opavave osapukái: “Nde ore ruvicha pyahu, umi ne pehẽngue Judas ha Jonatán rekovia!
9Ore myenonde ñorãirõháme ha ore rojapóne opa eréva!”
10Aipórõ, Simón ombyaty opa ikatúva oñorãirõ ha pya'e porã ojapoukapa Jerusalén korapy ha omopu'ã óga mbarete ijerére.
11Omondo táva guasu Jáfape, Absalón ra'y Jonatánpe, ñorãirõhára aty tuicha porãva reheve, ha ha'e omosẽmba umi ipype oikóvape ha oñemohatã upépe.
Jonatán ojejuka12Trifón osẽ Tolemáidagui peteĩ ñorãirõhára aty tuicháva reheve ondyry haguã Judéape, ha ogueraha iñakãsamby Jonatánpe.
13Simón opyta ra'e Hadídpe, ñu rembe'ýpe.
14Trifón, oikuaávo Simón opyta hague Jonatán rekovia ha oñembosako'iha oñorãirõvo hendive, oguerahauka chupe peteĩ kuatia he'íva:
15“Roguereko iñakãsamby ne pehẽngue Jonatánpe, ndojehepyme'ẽigui mburuvicha guasúpe, omoĩ haguére chupe mburuvicha ramo.
16Eruka oréve aipórõ 3.300 kílo pláta ha mokõi Jonatán ra'y opyta vaerã ore ndive anive haguã opu'ã ore rehe, ha upéi ropoíta chugui.”
17Simón, ohecha kuaa ramo jepe upevaha peteĩ ñuhã, omondo ogueruka upe pláta ha umi mokõi mitãrusu, ani haguã opyta vai avave apytépe,
18ha ndoje'éi haguã upe rire, Jonatán ojejuka hague nomondói haguére upe pláta ha umi mokõi mitãrusu.
19Aipórõ, omondo umi mitãrusu ha upe 3.300 kílo pláta; Trifón katu opyrũ iñe'ẽre ha ndopoíri Jonatángui.
20Upégui Trifón ojeity tapépe ha oho oikévo Judéape ha ohundi. Ojere mante Adoraim rupi, Simón ha iñorãirõhára kuéra ombotypágui chugui tape mamo ohohápe.
21Upe aja katu, umi ñorãirõhára oĩva Jerusalén óga mbaretépe omondo Trifón renda pegua he'ívo chupe oho haguã hendápe kuéra yvy ojeiko'ỹha rupi ha ogueraha chupe kuéra ho'u vaerã.
22Trifón ombosako'i opa iñorãirõhára kavaju arigua oho haguã upépe, ha upe pyhare heta eterei ho'a ysapy rypy'a ha ndikatúi oguahẽ. Upémarõ, oho Galaad gotyo.
23Bascamápe oguahẽmi vovénte ojuka Jonatánpe, oñeñotỹ vaekue upépe.
24Trifón oho jey hetãme.
25Simón omondo ogueruka Jonatán retekue ha oñotỹ Modínpe, itúva ypy kuerakue táva guasu.
26Opa Israelgua ombyasy ha ojahe'o hese heta ára pukukue.
27Simón ojapouka peteĩ mba'e yvate mandu'arã ipehẽngue kuéra ha itúva tyvy ári, mombyry guive ojekuaáva, ita oñemosỹi vaekuégui henondévo ha hapykuévo.
28Omopu'ãuka avei 7 pirámide, mokõi hendápe hysýiva, itúva, isy ha umi irundy ipehẽnguépe guarã.
29Umi pirámide jerére oñemopu'ã mba'e yvate ne porãva, ha umíva ári oñemoĩ tete mo'ãha ha mba'e porojukaha, oñemandu'a haguã opa ára. Umi tete mo'ãha ha mba'e porojukaha ypýpe ojehai ygára guasu ra'ãnga, opa bárcope oikóva ohecha haguã.
30Pe mba'e yvate tyvy arigua ojejapo vaekue Modínpe, oime ko'ágã peve.
Simón oiko porã jey Demetrio ndive31Trifón ojei mitãrusu mburuvicha guasu Antíocogui ha ojuka chupe,
32ha ojupi mburuvicha guasúrõ hekovia Ásiape. Tetã tuichakue heta mba'e vai ojapo.
33Simón omyatyrõ umi táva mbarete Judea pegua, omoĩ ijerére óga yvate-vate tuichaicháva, korapy yvate, okẽ ha yvyra poguasu imboty atãha, ha oheja heta tembi'u umi táva mbaretépe.
34Oiporavo hembijokuairã ha omondo Demetrio rendápe ojerure haguã chupe toipe'a umi jehepyme'ẽkapy omoĩva hetãre, Trifón niko opa árante voi omondáva Israelgua kuérape.
35Mburuvicha guasu Demetrio oguerahauka Simónpe peteĩ kuatia he'íva:
36“Mburuvicha guasu Demetrio omomaitei pa'i ruvicha guasu Simónpe, mburuvicha guasu kuéra rayhupára, myakãhára kuérape ha Israel retãme.
37Oguahẽma chéve pe jeguaka óro akã rehegua ha ambue jopói peruka vaekue chéve, ha ajapose pene ndive py'a guapy iporãva, ha ame'ẽta kuatia che rembijokuái kuérape oipe'a haguã pende hegui opa jehepyme'ẽkapy.
38Opa ñe'ẽ ñome'ẽ ajapo vaekue pene ndive ambyaje, ha peẽ ikatu pereko pende pópe umi táva mbarete pemopu'ã vaekue.
39Aheja rei avei peẽme opa pejavy ha ndapejapói vaekue ko'ágã peve. Aheja rei peẽme jehepyme'ẽkapy mburuvicha guasúpe guarãva. Tame'ẽve'ỹ umi óro oñeme'ẽ vaekue chéve Jerusaléngui.
40Oime ramo ikatupyrýva che ñangarekohára apytépe guarã, tou, ha toĩ py'a guapy ojoapytépe.”
41Áño 160pe Israel osẽ tetã mombyrygua poguýgui.
42Upe guive, Israelgua maymáva oñepyrũ omoĩ opa kuatiáre: Áño peteĩha Simón rehegua, pa'i ruvicha guasu, mburuvicha ha Israelgua kuéra sãmbyhyhára.’
Guézer omoĩ ipoguýpe43Upérõ, Simón omongora Guézer ha ondyry hese. Ojapo peteĩ óga yvate omýiva, omboja hese, ombokua ikorapy yvate ha omoĩ ipópe upe táva.
44Umi óga yvate omýivape oĩ vaekue, ojapyharávo pe korapy yvate ha oike hyepýpe, tuicha sarambi oiko umi ipypegua apytépe.
45Upe táva pypegua kuéra, hembireko ha ta'ýra kuéra reheve ojupi pe korapy yvate ári, he'i hikuái ha'e kuéra ojehejamaha ñorãirõgui ha ojerure asy Simónpe
46kóicha: “Ani ore nupã ore rembiapo vaikue ojerureháicha, ore rereko uvei upe nde ne marangatuháicha.
47Simón ojuhu porã upéva ha ojoko ñorãirõ, ha omosẽmba chupe kuéra upégui, omopotĩmba umi oĩ hague rupi ta'ãnga rei kuéra, ha upéi oike upe táva guasúpe purahéi pópe, omomba'e guasu Ñandejára.
48Oguenohẽmbaite upégui opa mba'e omongy'áva ha omoĩ upépe yvypóra omomba'éva tembiapoukapy. Omombarete Guézer ha ojapo peteĩ óga ijupe guarã.”
Omoĩ jey ipópe Jerusalén49Umi Jerusalén mbyte pegua óga mbaretépe oikóva, ndaikatúigui osẽ ha oike jey oñemu haguã térã omba'e jogua haguã, oñepyrũ iñembyahyipa hikuái, ha heta omanóva upevakuégui.
50Aipórõ he'ika hikuái Simónpe ha'e kuéra oñemoĩtamaha ipópe. Simón omonei, omosẽmba chupe kuéra ha omopotĩmbaite upépe opa iky'ávagui.
51Ára 23, mes mokõiha, áño 171 ramo, Simón oike upépe purahéi pópe, mbokaja rogue reheve, árpa, mba'e pararã ha mbaraka púpe, omomba'e guasu Ñandejárape, Israel osẽgui umi ija'e'ỹva hese poguýgui.
52Simón oheja upe ára, áño ohasa ha ohasávape, ojererohory haguã. Upéi omombarete pe ijyvateha tupao renda, Jerusalén óga mbarete oĩha gotyo, ha ha'e ha iñirũ nguéra opyta upépe oiko haguã.
53Ha ohechávo pe ita'ýra Juan ikaria'ymaha, ojapo chugui iñorãirõhára kuéra ruvicha guasu, oĩ vaerã Guézerpe.
Who We AreWhat We EelieveWhat We Do
2025 by iamachristian.org,Inc All rights reserved.
