1Umíva umi árape Antíoco oñembosako'i oikóvo ondyry jey haguã Egipto rehe, mokõiháma.
2Ha upe jave avei, 40 ára pukukue, ojecha sapy'a kavaju arigua, hete mo'ãha órova, oñaníva yvytúre kyse puku ipópe kuéra.
3Kavaju arigua ijatýva oñorãirõ haguãicha, ondyry mbarete ojuehe. Tete mo'ãha ha kyse yvuku oñembota ojuehe ha hu'y oturuñe'ẽ yvytúre. Tete mo'ãha ha mba'e ñorãirõha órova overa hendy kuarahýpe.
4Opavave ojerure Tupãme ko'a mba'e recha omomarandu haguã mba'e iporãva.
5Isarambívo japu Antíoco omano hague, Jasón ombosako'i 1.000 ñorãirõhára rupi, ha he'i'ỹre avavépe, ondyry Jerusalén rehe. Ipahávo, omboguevi rire umi ñorãirõhára tápiape ojepytaso vaekue, Jasón omoĩ ipópe upe táva, ha Menelao oho okañy pe táva mbytépe pe óga mbaretépe.
6Jasón oike ojuka oiporiahurereko'ỹre avavépe, heta eterei hetã guápe, ha ndohecha kuaái pe ha'e oimo'ãva iporãha chupe guarã ojukávo hetã guápe voi, peteĩ mba'e nde vai etereíva hague. Ha'e katu ovy'a ku ohundi ramo guáicha hese ija'e'ỹvape, ojukapávo hetã guápe.
7Upéicha ramo jepe, nomoĩri ipópe tetãsã, oñemotĩ katu opu'ã haguére hetã guáre, ha okañy jey Amónpe.
8Heko añangue ohundi chupe: Ho'a rire, árabe kuéra ruvicha Aretas pópe, oñemuña ápe ha pépe. Avave ndaija'éi hese ojei haguére Tupã rembiapoukapýgui ha ojopy haguére hetã ha hetãgua ndive. Upévare oho opyta Egíptope.
9Ha ha'e, omosẽ vaekue hetãgui heta hetã guápe, omano tetã mombyrýpe, oho aja Lacedemóniape, ojuhu ramo guarã okañy haguã, ojohuguy reheguágui Israelgua ha Lacedemoniagua.
Who We AreWhat We EelieveWhat We Do
2025 by iamachristian.org,Inc All rights reserved.
