1Oisãmbyhy hendaguépe ta'ýra Judas, ojeheróva Macabeo.
2Ipehẽngue kuéra ha opa oĩ vaekue itúva ndive, oñemoĩ hendive ha ojepytaso akã rakúpe ijykére Israel rehehápe
3Judas oipyso pysove
hetãgua rerakuã porãngue;
kuimba'e yvatéicha omonde
hete mo'ãha, ha oñorãirõ
py'a guasúpe, kyse puku ipópe,
iñorãirõhára renondépe.
4Jaguaretéicha ñorãirõháme,
ha jaguarete ra'y oñemohatãvaicha
hembi'úre, okororõ.
5Omuña ha omyakãsã
umi mba'e vai apohápe,
ha tatápe ombokusugue
umi omyangekóiva tetã guápe.
6Umi heko añáva
henondépe okyhyjepa,
ha umi hembiapo vaíva
opa rupi osẽ vaipa;
ha'e rehe ae opa
hetãgua jejopy vai.
7Heta mburuvicha guasúpe
oipy'apy ha ombopy'a rasy,
opa Jacob retãgua katu,
ovy'a hembiapo porãnguére.
Héra ojehovasáne,
ha oñemandu'áne hese
opa ára.
8Oiko Judea tuichakue
umi táva guasúre,
ojukapa ipypegua
umi heko jeroviaha'ỹva;
Heta mba'e vaígui
Israélgui omboyke.
9Yvy apýra peve herakuã,
ombyatypágui peteĩ hendápe
hetãgua opa vaekue ohóvo.
Judas osẽ porã ñepyrũ10Apolonio ombyaty heta ñorãirõhára mombyrygua ha ñorãirõhára aty Samariagua ondyry haguã Israel rehe.
11Judas, oikuaa vove, osẽ ohenonde'a haguã ha ohundi ha ojuka chupe. Heta etei omano hikuái ha hembyre opoi pýgui.
12Oñemono'õvo mba'eta ñorãirõháme ojeheja reipa vaekue, Judas oguereko imba'erã Apolonio kyse pukukue, ha upete guive ogueraháva mamo oñorãirõhápe.
13Serón, Siria ñorãirõhára aty ruvicha, oikuaávo Judas ombyaty hague peteĩ ñorãirõhára aty ne mbaretéva, oĩva oñorãirõ haguãicha,
14he'i ijupe: “Aime porãvéta ha che rerakuã mbukúta asẽ ramo añorãirõ ha ahundi Júdaspe, pe tekove ohenduse'ỹva mburuvicha guasu ñe'ẽ.”
15Serón ykére oñemoĩ avei umi Israelgua ojere vaekue hetãgui, oipytyvõ haguã chupe ohundívo Israel.
16Oguahẽvo Serón pe Bet-Horón yvy pu'ãme, osẽ ohenonde'ávo chupe Judas, peteĩ atyrami ñorãirõhára reheve.
17Ha umi ñorãirõhára, ohechávo Serón umíva heta eteiha, he'i hikuái Júdaspe: “Mba'éicha piko ñañorãirõta hendive kuéra ko hetaiteíva ha imbaretetereíva, ha ñande ñane mbovy eterei? Hi'arietegua ndorokarúi ko ára pukukue, ha na ore mbarete véima.”
18Judas katu he'i chupe kuéra: “Ndahasýi heta eterei ho'a haguã mbovymi pópe.Israelgua oho Mízpape(2 Mac 8.16-32)
46Israelgua kuéra oho joa Mízpape, Jerusalén renondépe, ymaitémi ha'e kuéra oguereko haguépe peteĩ tupao omomba'eha Tupã.Jue 20.1; 1 S 7.5-6.
47Upe ára ndokarúi hikuái, omonde ao anambusu vai, oñohẽ tanimbu iñakãre kuéra ha omondyryry ijao.
48Oipeka hikuái pe kuatia ojehaiha Tupã rembiapoukapy, ohekávo pe mba'e ohekáva avei umi heko jeroviaha'ỹva itupã gua'u ra'ãnga kuérape.
49Ogueru avei hikuái umi pa'i kuéra ao, yva hi'aju ramóva ha pe imba'e kuéragui 10 hendápe ñepehe'ãngue;Neh 10.36-39. ombou hikuái avei umi nasaréope,Nm 6.1-21. ojapóma vaekue ikuave'ẽmby,
50ha ojerure asy hikuái Tupãme: “Mba'e piko ore rojapóta ko'ã kuimba'égui? Moõ piko rogueraháta.”
51Nde tupaóre oñepyrũ ha oñemongy'a; nde pa'i kuéra oñembyasy joa ha oñemotĩndy.
52Ema'ẽna mba'éichapa oñembyaty hikuái umi heko jeroviaha'ỹva ore jukapa haguã. Nde reikuaa reína mba'épa ojapose ore rehe.
53Mba'éicha piko reipota roñorãirõ hendive kuéra, nde na ore pytyvõi ramo?”
54Ha upépe ombopu hikuái umi turu ha osapukái rasy joa.
55Upe rire Judas oiporavo tetãgua apytégui 1.000 ñorãirõhára ruvicharã, upéicha avei 100pe guarã, 50 ha 10pe guarã.
56He'i oho jeýnte haguã umi ojogapóva hína, umi omenda ramóva, umi oñotỹva hína iparralty ha umi ipy'a mirĩva, oĩháicha tembiapoukapýpe.Dt 20.5-9; Jue 7.3.
57Upéi Israelgua ñorãirõhára aty osẽ oho ijaty Emaús yvývo gotyo.
58Judas he'i: “Peñembosako'íke! Pende py'a guasúke, ko'ẽmbávo ñasẽ haguã jajepytaso umi heko jeroviaha'ỹvape, oñembyatýva ojeity haguã ñande rehe, ñande jukapa ha oity omyangu'ipa ñande tupao.
59Iporãve ñamano ñañorãirõhápe, jahecha rangue ho'a ñane retãre ha ñande tupaóre mba'e vai.
60Ha toiko Tupã oipotáva.”
Who We AreWhat We EelieveWhat We Do
2025 by iamachristian.org,Inc All rights reserved.
