Jeremías 23 - Biblia Guaraní con Deuterocanónicos

Upéinte iporãvéta opa mba'e

1Ñandejára he'i: “Cháke, peẽ ovecha rerekua pehejáva che ovecha kuéra okañy ha isarambipa!”

2Tupã Israel Jára he'i ovecha rerekua kuérape che retãgua rehe oñangarekóvape: “Peẽ pemosarambi ha pemondýi che ovecha kuéra ha napeñangarekói vaekue hese kuéra. Che katu tesápe poguerekóta poinupã haguã pene rembiapo vaikuére. Che, opa mba'e Jára, upéicha ha'e.

3Che voi arúta che ovecha kuéra rembyre opa tetãgui amosarambi hague rupi, Ambyatýta ha aru jeýta iñu nguérape imemby heta haguã.

4Amoĩta ovecha rerekua oñangareko haguã hese kuéra, ani haguã okyhyje mba'evégui térã okañy peteĩ ha'e kuérava.

7Ñandejára he'i: “Oúta ára nome'ẽ mo'ã veimaha hikuái iñe'ẽ he'ívo: ‘Ñandejára rérape, oguenohẽ vaekue Israelgua Egíptogui’,

8ome'ẽta uvei iñe'ẽ he'ívo: ‘Ñandejára rérape oguenohẽ vaekue Israel ñemoñare kuérape tetã yvate gotyogui ha opa tetã nguéragui omosarambi hague rupi chupe kuéra.’

maranduhára kuéra Jerusalén guágui

ojepyso haguére teko aña opa upe tetãpýre.”

16Ñandejára ipu'akapáva he'i:

“Israelgua, aníke pehendu

umi mba'e he'íva maranduhára kuéra.

Japu meme ko hína umíva,

mba'e iñakãme ha'e kuéra ombojýva,

che nda'éi vaekue chupe kuéra.

17Umi che ñe'ẽ nohenduséivape

ha'e kuéra he'i:

‘Mba'eve ivaíva ndojehu mo'ãi.’”

Jeremías osapukái

18Ha máva piko oikuaáta

pe Ñandejára ñemiháme oguerekóva?

Máva piko ohecha

térã ohendu ra'e iñe'ẽ?

Máva piko ojapysaka ra'e hese?

19Ñandejára pochykue

ojogua ára pochýpe,

yvytu ratãme ojogua

iñañáva ári oipejúva.

20Ñandejára pochykue ndopa mo'ãi

ojapopa peve ha'e ojaposéva.

Oguahẽta ára pene mandu'atahápe

ha pehecha kuaáta opa ko'ã mba'e.Ñandejára he'íva maranduhára japúre

21“Che namondói vaekue umi maranduhárape,

na ñe'ẽi vaekue chupe kuéra.

Ha'e kuéra katu

osẽ opa rupi oñe'ẽ che rérape.

22Oikuaa rire umi mba'e

iñongatupy arekóva,

oikuaauka vaerã mo'ã

che ñe'ẽ che retã guápe,

ohejauka vaerã mo'ã

chupe kuéra hape vai

ha opoika vaerã mo'ã chupe kuéra

hembiapo vaígui.”

23Ñandejára he'i:

“Mombyry térã aguĩ, che hína Tupã.

24“Máva piko ikatúta okañy che hegui?

Che rekovépe amyenyhẽ yvy ha yvága.

Che, opa mba'e Jára, upéicha ha'e.

25Ahendu maranduhára kuéra ñe'ẽ japu, he'íva oñe'ẽha che rérape ha iképe oñe'ẽ hague che ndive.

26Araka'e peve piko umi maranduhára oikuaaukáta mba'e japu, ha'e kuéra iñakãme ombojýva?

27Umi képe guare reheve omombe'u joáva ojupe, che retã guápe ombyesaraise che hegui, itúva kuéra ypykue hesarái haguéicha che hegui oho haguã Baal*f** rapykuéri.

28-29Peteĩ maranduhára oguereko ramo ikepegua, te'i mba'épa ohecha ra'e iképe. Ohendu ramo upe che ha'éva chupe katu, tomombe'u pe che ha'éva, ha'e hagueichaite chupe. Ndaikatúi oñembojoja kapi'i trígore. Che ñe'ẽ ojogua tatápe, martíllope omyangu'íva ita guasu.” Che, opa mba'e Jára, upéicha ha'e.

30“Upévare che añemoĩ umi maranduhára rehe omondáva ojupe che ñe'ẽ.” Che, opa mba'e Jára, upéicha ha'e.

31“Añemoĩ umi maranduhárare, omombe'úva ha'érõ guáicha che ñe'ẽ umi mba'e iñakãgui oguenohẽva.

32Añemoĩ umi maranduhára rehe omombe'úva kepegua japu, ijapu ha ñe'ẽ reípe ombojavýva hape che retã guápe. Che namondói vaekue chupe kuéra ha nda'éi vaekue chupe kuéra mba'eve. Ha'e kuéra ndaikatúi oipytyvõvo avavéicha guápe.” Che, opa mba'e Jára, upéicha ha'e.

Mba'éichapa oñeñe'ẽ vaerã Ñandejára he'ívare

33“Nde Jeremías, peteĩ tetãgua térã maranduhára térã pa'i oporandu ramo ndéve: ‘Mba'épa hína pe Ñandejára mba'e pohýi?’ Ere chupe kuéra: ‘Ñandejára he'ika imba'e pohýi ha'eha peẽ, ha pende reitytaha yvýre.’

34Ha oĩ ramo maranduhára térã pa'i térã tetãgua oiporúva ko ñe'ẽ ‘Ñandejára mba'e pohýi’, che ainupãta chupe ha hóga guápe.

35Pe máva oporandu ramo iñirũ térã hóga guápe, ikatu he'i: ‘Mba'e piko pe he'íva Ñandejára ra'e?’

36Ha anivéke peiporu upe ñe'ẽ ‘Ñandejára mba'e pohýi’. Cháke oĩ ramo oiporúva, ajapóta iñe'ẽgui mba'e pohýi chupe guarã. Peẽ pemokarẽmba vaekue upe he'iséva Tupã oikovéva ñe'ẽ, Tupã pende Jára ipu'akapáva ñe'ẽ.

37Nde Jeremías, eporandu maranduhára kuérape: ‘Mba'épa he'i ra'e Ñandejára?’

38Ha he'i ramo ‘Ñandejára mba'e pohýi’, ere chupe kuéra: ‘Ñandejára he'i: Peẽ akóinte peiporúgui upe ñe'ẽ ha'e vaekue ani haguã peiporu,

39pohupíta peteĩ mba'e pohýicha, peẽme ha upe táva ame'ẽ vaekue peẽme ha pende ru kuéra ypy kuépe, ha pomombóta mombyry che hegui.

40Ha opa árape guarã arúta pende ári toryja ha ñemotĩ ikatuve'ỹtava peñembyesarái chugui.’”