Jobhu 29 - Shona Common Language Catholic Bible（SCLBD）

E: JOBHU ANOISA MAZWI AKE MUCHIDIMUMakomborero akawanda aMwari

1Jobhu akasimudzirazve kutaura zvakaomarara achiti,

2“Dai zvahwo upenyu hwaidzokororwa

huchidzokera kumwedzi iya, Mwari paaiva mutariri wangu;

3pandaivhenekerwa paya pamusoro,

pandaifamba murima nemwenje wake

4sezvandakanga ndakaita panguva

yandanga ndabve zano;

Mwari paaichengeta musha wangu

pamusana poushamwari hwake,

5Samasimba paakanga achineni,

vana vangu vakandikomberedza,

6ndichiri kuita mukaka wokutoshamba

zvangu nawo tsoka

mumatombo muchindibudira hova dzamafuta.

Chiremera chaiva naJobhu

7“Pandaienda kudare

ndichindogarawo pachigaro changu munhandare

8vechiduku vaindiona vaipeuka,

harahwa dzaisimuka dzichitomira.

9Makurukota aimbomira kutaura

vachizarira miromo.

10Mazwi evokumbahuru achimbonyarara,

rurimi rwavo ruchimbonamatira kumusoro.

11Vanhu vaiti vakandinzwa vaindikorokotedza

ziso raindiona raindinwira mvura

12nokuti ndaisunungura varombo munhamo

nenherera dzakanga dzisina anobatsira,

13chikomborero chavainge vava kufa

chaiuya kwandiri

ndichiita kuti chirikadzi

dzifare zvakadzama mumwoyo.

Ururami hwaiva naJobhu

14“Ndaipfeka ururami

ihwo huchindifukidza.

Ruenzaniso ndirwo rwaiva gemenzi rangu nengundu.

15Ndaive ziso kumapofu

nemakumbo kuna vakaremara

16Ndaiva baba wavarombo.

Nyaya dzavatorwa ndaidzitsvaka padziri.

17Ndaityora mazino anouturu avasina kururama

ndichimudonhedzesa nyama yaakabata namazino.

18Ndaifunga kuti ndichafirawo zvangu

mumba mangu ndichiti mazuva angu

achawanda sejecha.

19Midzi yangu ichitandavara kusvikira kumvura,

iro dova rakati gudegude pamashizha angu husiku hwose.

20Ndaiti mbiri yangu

icharamba iripo chete,

uta hwangu huri hutsva ndakahubata muchanza.

Jobhu aiva nembiri yokuva pachokwadi

21“Vanhu vaitondimirira vachinyarara

kuti vanzwe mazano angu.

22Kana ndainge ndataura hapana aizotaurazve.

Mazwi angu aidonha samadonhwe pavari.

23Vaindimirira sevanomirira mvura inonaya,

vakashama muromo sevanomirira

mvura yobumharutsva.

24Ndaiti ndikavanyemwerera

havaimbofunga kuti ndini,

kupenyerera kwemhanza yangu

kwaivapa kusarasa mwoyo.

25Ndini ndaitonga

ndichisarudza zvinofanira kuitwa

ndichiita samambo ari pakati pehondo dzake

somunhu anonyaradza vafirwa.”