DIPESALEME 126 - Setswana 1970（TSW70）

Peo ya dikeledi le thobo ya boitumelo

1Sefela sa go ya Tempeleng.

E rile Morena a fetola

tatlhego ya Sione,

ra tshwana le ba ba lorang.

2Foo melomo ya rona

e ne ya tlala setshego,

le diteme tsa rona tuduetso.

Foo go ne go buiwa mo ditšhabeng

go twe:

“Morena o ba diretse

dilo tse dikgolo.”

3 Morena o re diretse

dilo tse dikgolo, ra itumela.

4 Morena, fetola tatlhego ya rona

jaaka dinokana tsa kwa borwa.

5Ba ba jwalang ka dikeledi,

ba tla roba ka tuduetso.

6Ba a tle ba ye ba gase peo

ba ntse ba lela,

mme ba boe ka tuduetso

ba tshotse dingata tsa bona.