1Pesalome ya ga Dafita e e kwaletsweng moopedisi; e opedisiwe ka kwadi ya dithapo.
2Fa ke bitsa o nkutlwe,
Modimo wa tshiamo ya me!
Mo pitlaganong ya me
o nkatlhamoloseditse bonno;
ntlhomogele pelo,
o utlwe thapelo ya me!
3Lona banna, tlotlo ya me
e tla nna tshotlo goleele go le kae?
Lo tla rata boithamako
le go batla maaka goleele go le kae?
Sela.
4Itseng gore Morena
o itlhaoletse yo o mo kgatlhang.
Morena o a utlwa
fa ke tlhaeleletsa go ena.
5Galefang, mme lo se leofe;
buang ka dipelo tsa lona
mo malaong a lona,
mme lo didimale. Sela.
6Tlhabang ditlhabelo tsa nnete,
lo ikanye Morena.
7Ba bantsi ba re: “Ke mang
yo o re bontshang se se molemo?
Morena, re sedifaletse
ka lesedi la sefatlhego sa gago.”
8Pelo ya me o e tladitse boitumelo
jo bo fetang jwa bona,
jwa letlotlo la mabele le la bojalwa.
9Ke tla ya go lala ka kagiso,
ke thulamela;
gonne ke wena Morena o le wesi
yo o mphedisang mo kagisong.
Who We AreWhat We EelieveWhat We Do
2025 by iamachristian.org,Inc All rights reserved.
