1Chirevo pamusoro paMoabhu. Nokuti usiku Ari reMoabhu rakaitwa dongo, rakaparadzwa; nokuti usiku Kiri reMoabhu rakaparadzwa nousiku humwe rikaitwa dongo.
2Vakwira Bhayiti, neDhibhoni, kumatunhu akakwirira, kunochemapo; vaMoabhu vanochema pamusoro peNebho napaMedhebha; misoro yavo yose ine mhanza, ndebvu dzose dzakaveurwa.
3Panzira dzomumisha yavo vakazvisunga namakudza, pamusoro pedzimba dzavo, napamatare avo, mumwe nomumwe anowungudza achichema zvikuru.
4Heshibhoni rinodanidzira, neEreari; izwi ravo rinonzwika kusvikira paJahazi; saka varwi vaMoabhu vanodanidzira zvikuru; mweya yavo unodedera mukati mavo.
5Mwoyo wangu unodanidzira pamusoro paMoabhu; vakuru vavo vanotizira Zoari, neEgiratisherishiya; nokuti vanokwira mukwidzwa waRuhiti vachichema; nokuti panzira inoenda Horonaimi vanochema nokuchema kwokuparadzwa.
6Nokuti mvura yeNimirimi ichaparadzwa; nokuti uswa hwawoma, bumhudza rapera, hapachina chinomera chitema.
7Saka zvizhinji zvavakawana, nezvavakachengeta, vachayambuka nazvo parukova rwemikonachando.
8Nokuti kuchema kwapotereka kunyika yose yaMoabhu; kuungudza kwake kusvikira paEgiraimi, nokuungudza kwake kusvikira paBheerierimi.
9Nokuti mvura yeDhimoni izere neropa; nokuti ndichawedzera kurova Dhimoni, ndichatuma shumba iparadze vakapukunyuka vaMoabhu, navakasara panyika.
Who We AreWhat We EelieveWhat We Do
2025 by iamachristian.org,Inc All rights reserved.
