Mapisarema 1 - Shona Bible Union Version 2002（SUB）

Bhuku 1(Mapis 1—41)Kufara kwavanoda Mwari, nokusafara kwavasingadi Mwari

1Akakomborerwa munhu asingafambi

panorangana vakaipa,

Asingamiri panzira yavatadzi,

Asingagari panogara vadadi.

2Asi anofarira murairo waJehovha;

Anofungisisa murairo wake masikati nousiku.

3Achafanana nomuti wakasimwa pahova dzemvura,

Anobereka michero yawo nenguva yawo,

Mashizha awo haasvavi;

Chinhu chipi nechipi chaanoita chichaendika.

4Vakaipa havana kudaro;

Asi vakafanana nehundi inopeperetswa nemhepo.

5Naizvozvo vakaipa havangamiri pakutongeswa,

Navatadzi paungano yavakarurama.

6Nokuti Jehovha anoziva nzira yavakarurama;

Asi nzira yavakaipa ichaparadzwa.