Mapisarema 43 - Shona Bible Union Version 2002（SUB）

Munyengetero kufambiswa nechiedza nezvokwadi yaJehovha

1Ndichenurei Mwari, mundireverere pamhosva yangu

parudzi rusina tsitsi;

Ndirwirei pamunhu anonyengera asina kururama.

2Nokuti ndimi Mwari simba rangu;

mandirasireiko?

Ndinofambireiko ndichichema nokuda

kwokumanikidza kwomuvengi?

3Tumai chiedza chenyu nezvokwadi

yenyu; zvinditungamirire;

Zvindisvitse kugomo renyu dzvene,

Nokutabhenakeri dzenyu.

4Ipapo ndichasvika kuatari yaMwari,

Kuna Mwari, iye mufaro wangu mukuru;

Ndichakurumbidzai nembira, imi Mwari,

Mwari wangu.

5Unoshuwireiko, mweya wangu?

Unoshaiwa rugare neiko mukati mangu?

Tarira kuna Mwari; nokuti ndichazomurumbidza hangu,

Iye muponesi wechiso changu, naMwari wangu.