Mapisarema 53 - Shona Bible Union Version 2002（SUB）

Vanhu vose vakashataKumutungamiriri wokuimba; pamuimbirwo weMaharati. Rwiyo rweMashiri rwaDhavhidhi.

1Benzi rakati mumwoyo maro,

“Mwari hakuna.”

Vakaora, vakaita zvakaipa zvinonyangadza;

Hakuna anoita zvakanaka.

2Mwari, ari kudenga, wakatarira

pasi kuvana vavanhu,

Kuti aone kana akachenjera aripo,

Anotsvaka Mwari.

3Mumwe nomumwe wavo akadzokera shure;

vakasvibiswa pamwechete;

Hakuna anoita zvakanaka,

kunyangwe nomumwe.

4“Ko vaiti vezvakaipa havana zivo here?

Ivo vanodya vanhu vangu sechingwa,

Vasingadani kuna Mwari.”

5Vaitya kwazvo ipapo, pakanga pasina chinotyisa;

Nokuti Mwari akaparadza mapfupa

aiye akanga akakukomba;

Iwe wakavanyadzisa, nokuti Mwari akavarasha.

6Dai kuponeswa kwaIsiraeri kwaibva paZioni!

Kana Mwari achidzosa vanhu vake pakutapwa,

Ipapo Jakobho achafara kwazvo naIsiraeri achafara.