Mapisarema 128 - Shona Bible Union Version 2002（SUB）

Mufaro paimba pavanoshumira JehovhaRwiyo rworwendo.

1Vakaropafadzwa vose vanotya Jehovha,

Vanofamba munzira dzake.

2Nokuti iwe uchadya zvawakabatira

namaoko ako;

Uchava nomufaro, uye zvichava

zvakanaka newe.

3Mukadzi wako uchava somudzambiringa,

unobereka zvakanaka,

mukati meimba yako;

Vana vako vachava semiti yemiorivhi,

vakakomberedza tafura yako.

4Tarirai, murume anotya Jehovha

Acharopafadzwa saizvozvo.

5Jehovha achakuropafadza ari paZioni;

Uchaona kukomborerwa kweJerusaremu

mazuva ose oupenyu hwako.

6Zvirokwazvo, uchaona vana vevana vako.

Isiraeri ngaave norugare.