Mapisarema 97 - Shona Bible Union Version 2002（SUB）

Ukuru hwaJehovha Mambo

1Jehovha anobata ushe;

nyika ngaifare kwazvo;

Zvivi zvizhinji ngazvifare.

2Makore nerima zvinomukomberedza;

Kururama nokururamisa ndidzo

nheyo dzechigaro chake choushe.

3Moto unotungamira pamberi pake,

Uchipisa vadzivisi vake pamativi ose.

4Mheni dzake dzakavheneka nyika yose;

Pasi pakaona, ndokubvunda.

5Makomo akanyauka senamo pamberi paJehovha,

Pamberi paShe wapasi pose.

6Kudenga–denga kunoparidza kururama kwake,

Ndudzi dzose dzakaona kubwinya kwake.

7Vose, vanoshumira mifananidzo

yakaveziwa, vanonyadziswa,

Ivo vanozvirumbidza pamusoro pezvifananidzo;

Namatai kwaari, imi vamwari vose.

8Zioni rakanzwa ndokufara,

Navakunda vaJudha vakafara kwazvo;

Nokuda kwezvamakatonga, imi Jehovha.

9Nokuti imi Jehovha, muri

kumusoro–soro kwapasi pose;

Makakwirira kupfuura vamwari vose.

10Vengai zvakaipa, imi munoda Jehovha;

Iye anochengeta mweya yavatsvene vake;

Unovarwira paruoko rwawakaipa.

11Chiedza chinodyarirwa wakarurama,

Nomufaro vane mwoyo yakarurama.

12Farai muna Jehovha, imi vakarurama;

Vongai pakurangarira utsvene hwake.