Esita g 16 - Shona Common Language Interconfessional Bible（SCLBD）

Tsamba yamambo Ahasuerusi yechipiriIyi ndiyo tsamba yaModhekai yaakanyora yaiti,“Ini mutekwatekwa mambo Ahasuerusindinokunyorerai imi madzishe enyikadzinobvira kuIndia kusvikira kuItiopiazana namakumi mavirinenomwe navanhu vangu vosevomunyika mangu ndichikukwazisai.

2“Kazhinji, vanhu vakakudzwa

zvakanyanya vakaitirwawo mwoyochena

wakawanda navabatsiri vavo,

vazhinji vavo vanobva

vatonyanya kuzvikudza.

3Havazotsvaki kukuvadza

vanhu vangu chete,

asi nokutadza kuzvibata

pamusana pokubudirira kwavange vaita

vanototsvaka zvokukuvadza vabatsiri vavo.

4Vanhu vakadai vanobvisa

mukati mavanhu mwoyo wokutenda

zvikomborero asi vanovhaidzwa navanhu

vasina chakanaka chavanoziva

vanofunga zvavo kuti vachanzvenga

ruenzaniso rwaMwari anovenga

uipi uye anoona

zvinhu zvose nguva dzose.

5Ndokusaka kazhinji vatongi

vazhinji varimowo

mukuvhiya katiyo kwokudeura

ropa ravanhu vasina mhosva

vakazvipinzawo munyatwa

dzisingagadziriki vachikurudzirwa

neshamwari dzavo dzinenge

dzambopiwa basa rokufambisa mabasa

okubatsira vanhu munyika.

6Nokunakisa kwavanoita mukanwa

nouipi hwavo, vanonyengedza

namazwi avo ehuyakose,

vatongi vavo vari pachokwadi vakanaka mwoyo.

7“Izvozvi hatizvioni chete munhoroondo

dzamagamuchidzanwa dzapasichigare,

asi kutoti tinozviona izvozvi mazuva ano

nokutoongorora zvoumharadzi zvakaitwa

navatongi vaiita zvinhu zvisina nounhu hwose.

8Mune ramangwana ndichaita zvose

zvandinogona kuti muumambo hwangu

muve norunyararo norugare

kuvanhu vose

9ndisingateereri zvamakuhwa,

nguva dzose ndichida kunyatsoona

chaizvo nyaya yacho chaiyo

inenge yasvitswa mumaziso mangu

10nokuti Hamani mwanakomana

waHamedhata wokuMakedhonia,

(mumwe mutorwawo zvake

asiri weropa rimwechete

navanhu vechiPezhiya

munhu asina kana mwoyo wetsitsi sowedu)

akava mweni wedu,

11ndikamubata nomutsa wandinoitira

ndudzi dzose dzavanhu

akatenge ava kutonziwo baba wedu

achitopfugamirwa nomunhu wose

asiye mutevedzeri kuna mambo;

12asi nokutadza kuzvidzora pakuzvikudza

kwake akaronga zvokutirozva umambo

hwedu noupenyu hwedu.

13Notumwe twaaironga nounyengedzi

mukutaura akafunga zvokuparadza

Modhekai, mununuri wangu,

mubatsiri wangu wokugara nokugara,

naEsita munhu womunyika medu

asina nechinongo chese pamwechete

navanhu vorudzi rwavo rwose zvarwo.

14Aifunga kuti zvimwe

achatiwana takarivara agotorera zvake

vechiPezhiya umambo achihuisa

mumaoko mevaMasedhonia.

15“Asi ndakaona kuti vaJudha ava,

vanhu vacho vakanga vanzi

vatsakatiswe naiye,

munhu ane rushambwa

rwakapetwa katatu iyeyo,

havazi vaiti vezvakaipa vaye,

asi kutoti vanhu vane mitemo yavo

yakarurama zvikuru kwazvo inovatonga.

16Uyewo vana chaivo

voWokumusorosoro, Mwari mupenyu,

Samasimba akanyatsotifambisira

umambo isu namadzibaba edu

zvakanakisisa kwazvo.

17“Saizvozvo chingave chinhu chakanaka

kuti murege kuita zvakarehwa

netsamba yakatumirwa naHamani

mwanakomana waHamedhata

18nokuti murume akaita

izvozvo akafa rufu

rwokusungirirwa kusuo guru reguta

reSusa pamwechete nemhuri yake yose

nokuti Mwari anotonga zvinhu zvose

akabva amupa nokukurumidza

chirango chaaikodzera.

19“Saka naizvozvo rovererai tsamba iyoyi

painoonekwa naani naani wose,

murege vaJudha vachitevedza zvavo mitemo yavo.

20Vatsigirei kuitira kuti pamusi wegumi

nechitatu wemwedzi wegumi nechipiri

mwedzi waAdhari, pazuva iroro chairoiro

vazvidzivirire kuna vanenge vava

kuvarwisa panguva yavo yokutambudzika,

21pamusana pokuti Mwari anotonga zvinhu

zvose akaita kuti musi iwoyu

uve zuva rokufara kuvanhu vake

vaakasarudza panze pokuriita

zuva rokuparadzwa kwavo.

22Saka munofanira kurichengeta norufaro

rive zuva guru kwazvo

pakati pamazuva makuru amunochengeta,

23kuitira kuti kubvira iye zvino

nomune ramangwana rizovawo

ruponeso rwedu navaPezhiya

vanotya mutemo.

Asi kune vanoronga zvokutimukira

rive chiyeuchidzo chokuparadzwa.

24Guta ripi neripi zvaro,

nenyika ipi zvayo,

pasina zvokusarudza, inenge isina

kuita saizvozvi izvi

inofanira kuparadzwa zvokuparadzwa zviye

nepfumo nomoto.

Panofanira kusiyiwa pave panhu

pasingapfuuriki navanhu panotosemwawo

chaizvo nemhuka neshiriwo nokusingaperi.”