1 Awurade ato ne fapem wɔ bepɔ kronkron no so;
2 Awurade dɔ Sion apono no
sene Yakob atenaeɛ nyinaa.
3Wɔka wo ho animuonyamsɛm
Ao Onyankopɔn kuropɔn:
4“Mede Rahab ne Babilonia
bɛka wɔn a wɔyɛ ɔsetie ma me no ho,
Filistia, Tiro ne Kus nso
mɛka sɛ, ‘Wɔwoo yeinom wɔ Sion.’ ”
5Ampa ara wɔbɛka wɔ Sion ho sɛ,
“Wɔwoo yei ne ɔno wɔ ne mu,
na Ɔsorosoroni no ankasa de no bɛtim hɔ.”
6 Awurade bɛtwerɛ wɔ nnipa dintwerɛ nwoma no mu sɛ,
“Wɔwoo yei wɔ Sion.”
7Na wɔbɛto dwom sɛ,
“Me nhini nyinaa wɔ wo mu.”
Kora mma dwom a wɔde ma dwomkyerɛfoɔ sɛ wɔnto no “Mahalat Leannot” sankuo so.
Who We AreWhat We EelieveWhat We Do
2025 by iamachristian.org,Inc All rights reserved.
